Тілім менің тірегім тәрбие сағаты 1-сыныпқа

Бекітемін:Оқу ісінің меңгерушісі А.Шарафеден Күні:21.09.2018ж

Тақырыбы:Тілім менің тірегім

Мақсаты:Оқушыларды туған халқының тілін қастерлейтін саналы да парасатты азамат етіп тәрбиелеу.

Көрнекілігі:Сыныпты тақырыпқа лайық безендіру,нақыл сөздер.

Мұғалім: -Қайырлы күн,ана тіліміздің мерекесіне жиналған қауым.Баршамызға тіл мерекесі құтты болсын!Ана тілі-адам болып жаралғаннан бері жан дүниесінің айнасы,өсіп-өніп,түрлене беретін,мәңгі құламайтын бәйтерегі.Ана тілі жүректің терең сырларын,халық тарихының барлық кезеңдерін,жанның барлық толқындарын ұрпақтан ұрпаққа сақтап отыратын қазына.22-қыркүйек Қазақстан Республикасының халықтарының тілдер мерекесі қарсаңында өткізіліп отырған”Тілім менің тірегім”атты ашық тәрбие сағатымызды бастауға рұқсат етіңіздер.

Малика:Қазақ тілі аса бай икемді тіл.Қалай исең солай иіле береді.Орамын,бұрымын тауып,қисынын орайын келтіріп пайдалансаң, бұл тілмен сурет салуға,тас қашап,ағашғтекемет оюға болады-ау.

Ғашықпын қазақ тіліне….

Инабат:Ана тілім-тірлігімнің айғағы

Тілім барда айтылар сөз ойдағы

Тілім өссе,мен де бірге өсемін,

Тілім өшсе,мен де бірге өшемін

Ана тілін білмеген ақылы жоқ желікбас

Ана тілін сүймеген халқын сүйіп жарытпас

Әділет:Туған тілім-бабам тілім-өз тілім,

Туған тілім-анам тілім-өз тілім,

Туған тілім-далам тілім-өз тілім,

Туған тілім-адам тілім-өз тілім,

Мирас:Туған тілде сыры терең жаным бар

Туған тілде әнім менен сәнім бар

Туған тілім тіл болудан қалса егер,

Жүрегімді суырып- ақ алыңдар!

Мұғалім:Құлақтан кіріп бойды алар ,

Жақсы ән мен тәтті күй.

Көңілге түрлі ой салар,

Әнді сүйсең, менше сүй

“Ана тілім”әні .Орындайтындар Қызғалдақ пен Надира

Абай Сағыныш:Асыл сөзді іздесең,

Абайды оқы, ерінбе,

Ададықты көздесең,

Жаттап тоқы көңілге

Айару:Сүйемін туған тілді-анам тілін,

Бесікте жатқанымда-ақ берген білім

Шыр етіп жерге түскен минутымнан

Құлағыма сіңірген таныс үнім.

Сол тілме шешем мені әлдилеген,

Еркелеткен”құлыным”,”жаным”деген

Сол тілменен бірінші сыртқа шығып,

Өмірде ең далада ұққан көркім

Еркебұлан:Халықтың қуаты –тілдің қуаты.Біз ана тілімізді ең айтқыш,ең білгір,ең бай тілдердің біріне айналдыруымыз керек.

Ұлжан:Ең бірінші бақытым-Халқым менің,

Соған берем ойымның алтын кенін

Ол бар болса,мен бармын,қор болмаймын,

Қымбаттырақ алтыннан нарқым менің

Ал екінші бақытым –Тілім менің,

Тас жүректі тіліммен тілімдедім.

Кей-кейде дүниеден түңілсем де,

Қасиетті тілімнен түңілмедім.

Бақытым бар үшінші –Отан деген,

Құдай деген кім десе,Отан дер ем!