Тілім менің тірегім тақырыбындағы сабақ жоспары, 4 сынып

Өзiн-өзi тану сабағының жоспары

Бекітемін:

Мектеп: Ш.Т.Еркінов орта Мерзiмі:19.10.18 ж № 7

Тақырып: Тілім-менің тірегім

Құндылық: Сүйіспеншілік

Қасиеттер: мейірімділік,сыйластық

Мұғалiм:Нұрғалиева Гүлдана Сынып: 4«А,ә » Оқушылар саны:21

Сабақтың мақсаты: Оқушылар «тіл», «Отан» құндылықтары туралы түсініктерін кеңейтеді.

Сабақтың міндеттері:

-ана тілінің адам өміріндегі маңыздылығын түсінеді;- ана тіліне деген құштарлықтары артады;- ана тілін сүюге, құрметтеуге тәрбиеленеді.

Сабақ барысы:1.Ұйымдастыру кезеңі: Амандасу.Оқушылырдың сабаққа қатысуын тексеру.Тыныштық сәті.Орманға ойша серуен

Ресурстар: (құралдар, мәлiметтер,

2.Үй тапсырмасы:

«Өсиет әңгіме» аңыз әңгімесін оқу.

1 топ. Дүрияның Ыдырысқа айтқан сөздері туралы қандай пікір айта аласыңдар?

2 топ. Әңгімедегі негізгі ой неде?

3топ. Ою ханның шеберлігі және оның тапқырлығын қай жерден байқауға болады?

3.Дәйексөз

Дәйексөзден қандай ой түйдіңдер? С. Торайғыровтың:«Сүйемін туған тілімді, ана тілін,Бесікте жатқанымда - ақ берген білім», - деген өлең жолдарын оқу.

4.Мұғалім сыйы « Ең қымбат қазына» Өте ерте заманда бір қадірлі би, шешен қария дүниеден көз жұмарында баласына айтқан екен.- Әкесі: Балам, мен көп ұзамай дүние салам, әкем қазына қалдырмады деп, өкпелеме. Ел ішіне қалдырып бара жатқан асыл мұрам бар. Соны іздеп тап, қадірле, қастерле.Мұны естіген бала әке мұрасын іздеймін деп, табанынан таусылып, таба алмайды. Бір күні ел ішіндегі абзал қарияға келеді.- Бала: Ата, әкем маған қандай қазына қалдырды? Мен іздеп таба алмадым. Мүмкін сіз білетін шығарсыз, айтыңызшы.- Қария: Әкеңнің сөзі рас, балам. Оның саған қалдырған мұрасы - тіл. Ол шешен адам еді ғой. Бәріміз сөйлеуді сенің әкеңнен үйрендік. Тілден қымбат қазына, байлық жоқ деген екен.

5.Сахналау.

Қатысушылар:патша,мұғалім,уәзірлер,оқушылар.

6.Жаңа ақпаратҚазақстан Республикасындағы мемлекеттік тіл - қазақ тілі. Ана тілін сүю құрметтеу, мақтаныш ету - әрбір азаматтың міндеті. Қазақстан – көп ұлт өкілдері мекендейтін мемлекет. Мұндай мемлекет үшін мемлекеттік тіл қажет. Президентіміз Нұрсұлтан Назарбаев өз жолдауында «Ұлттық тіл – қазақ ұлтының рухани, мәдени байлығын ұрпақтан ұрпаққа жеткізуші қасиетті құрал» деп көрсеткен болатын.Қазақ тілінің мәртебесін өсіру үшін және мемлекеттік тілімізді қастерлеуге, құрметтеуге тәрбиелеу үшін елімізде көптеген іс – шаралар жүргізіліп келеді.…