Тоғыз тосқауыл танымдық ойыны, сынып жетекшілеріне

Тақырыбы: Тоғыз тосқауыл танымдық ойын

Мақсаты: Оқушыларды іс-әрекет пен қарым – қатынас арқылы адамгершілік пен иманжүзділікке, елжандылыққа , бауырмалдылыққа тәрбиелеу.Күнделікті сабақ барысында алған білімімен мәдениетін, тәрбиесін іс жүзінде көрсетіп, өзін – өзі таныта білуге тәрбиелеу.

Салауатты өмір салтын дәріптеу, спортқа деген қызығушылықтарын арттыру.

Жүргізуші: Достарым, түсініңдер сөздің парқын

Әр кезде бола берсін жүздер жарқын

Мәңгілік жоғарылап жұлдыздарың

Бақытқа бөлеңдерші қазақ халқын

Жиналған көрермендерге қазылар алқасын және екі топты таныстыру.

1 топ: «Қырандар тобы»

2 топ: «Достық тобы»

Ойын 3 кезеңнен, әр кезең 3 тосқауылдан тұрады.

Парасат сыны.

Мақал – мәтел сайысы.

Пәндік сұрақтар.

Кездейсоқ жағдайдан шығу.

Көненің көзі.

1.Сөз сыры. ( көне сөздердің мағынасын ашу)

2.Қазақ халқының ырым – тыйымдарының мағынасы.

3.Орнын тап ( берілген мақал – мәтелдерден зат есімінің қазақша, орысша және ағылшынша баламасын табу.

Спорт - біздің досымыз.

Допты бер де отыра қал.

Допты шапшаң бер.

Арқан тартыс. ( тапсырмалар дене тәрбиесі пәнінің мұғалімімен келісе отырып таңдалынады.)

1 кезең. Парасат сыны.

1 тосқауыл . « Мақал – мәтелдер» сайыс

Жүргізуші: Ата дәстүр абырой көтергенге,

О, кием сөз сүйектен өтер демде

Тоқталамыз енді біз ал, балалар

Қанатты сөз – мақал мен мәтелдерге

Екі топтың оқушылары төменгі тақырыптарды өздері келісе отырып таңдайды.

а) Отан, туған ел.

ә) оқу, өнер – білім

б) достық, жолдастық.

2 минут ішінде мақал – мәтел айтудан жарысады. Қазылар алқасы санап отырады. 2 топта та бір тақырыпты таңдайды. Шарт бойынша әр топ берілген уақыт ішінде тақырыпқа сәйкес мақалдар айтады, келесі топ олар айтқан мақалды қайталамауы керек. ( Оқушылар тапсырмаға дайындалғанша музыкалық сәлем жіберіледі.)

2 тосқауыл: « Оқу – білім қазығы, білім – өмір азығы» пәндік сұрақтар сайысы.

Жүргізуші: Беттері ашық ұдайы,

Оқылатын кітап ол.

Сырын ашып ұдайы,

Тоқылатын кітап ол

Қанша оқысаң сарқылмас

Өмір – кітап – атамыз

Мектебімізде жаңа буын оқулықтарымен оқып келе жатқан алғашқы сыныптар осылар. Өздері оқып жатқан пән бойынша бақтарын сынамақ. Оқушылар тақтаға қарай отырып, бір пәнді таңдап алады, берілген сұраққа дайындалады.

3-тосқауыл. Кездейсоқ жағдайлардан шығу.

Төмендегідей тапсырмалар берілуі мүмкін.( мектепте, сыныпта немесе достар арасында болған жағдайларды мысалға алуға болады, бұл жерде оқушылардың өзіндік пайымдауына, ойлау логикасына, сөздік қорына назар аударады.)

1-жағдай. ( мысал ретінде) Сенің досың сабақтан 2 алды. Дайындықта сенен көмек сұрады. Оған сенің көмектесуге шамаң жетпейді. Сен досыңа қандай көмек көрсетер едің?

2-жағдай. Сенің досың сабаққа дайындықсыз келді. Ал сен дайындалып жазып келдің. Мұғалім досыңнан сабақ сұрады. Сен өз досыңа дәптеріңді берер ме едің?

3-жағдай. Ең жақын деп жүрген досыңның қолының сұғанағы бар екен. Сен әрі қарай достығыңды жалғастырар ма едің?

Оқушылар тапсырмаларын орындап жатқанда көрермендермен жұмыс жүргізіледі.

Қазынамыз толы ғой қымбаттарға,

Түсінерсің тоқ етер тіл қатқанда

Езуіңді еріксіз тартқызады,

Ал, үңіліп көререлік жұмбақтарға.

1. Елекпен су әкелуге болама? ( Болады мұз әкелсең, одан су алу оңай)

2. Жасы 100-ге келген бір қарт болыпты, бүкіл өмір бойы ол өзінің туған күнін тек 25 рет қана атап өтіпті. Бұлай бола ма? ( Қарт 29 ақпанда туған, сондықтан 4 жылда 1 рет туған күнін атап отырған.

3. Мұрныңа төніп тұр, бірақ қолыңмен ұстай алмайсың. (иіс)

2-кезең. « Көненің көзі – асылдың өзі».