Толағай отбасылық сайысының сценарийі, 7–11 сынып

Сабақ тақырыбы: «Толағай» отбасылық сайыс.

Сабақ мақсаты:

Білімділік: Оқушы бойындағы білімге деген талпыныс пен құштарлықты ояту,білім деңгейлерін тереңдету,өз жетістіктерін сезініп,әлсіз жақтарына сын көзбен қарауға үйрету.

Дамытушылық: Алған білімді күнделікті өмірмен байланыстырып пайдалана білуге,өмірмен байланыстырып пайдалана білуге,оқушыларды өз бетімен жұмыс істеуге,өз білімін тексеруге баулу.

Тәрбиелік: Ұжымдық жұмыс жүргізу арқылы бірлесіп жұмыс атқаруға,ұйымшылдыққа,шапшаңдыққа және еңбек сүйгіштікке тәрбиелеу.

Сабақ түрі: сайыс сабақ.

Сабақтың әдіс-тәсілдері: сұрақ-жауап.

Бағдарламалық жабдық: Power point –та жасалған слайдтар.

Сабақтың эпиграфы: «Біз сабақта ойнаймыз,және бірге ойлаймыз», «Халық пен халықты,адам мен адамды теңестіретін нәрсе-білім»

Сабақтың көрнекіліктері: слайдтар.

Пәнаралық байланыс: әдебиет,дене шынықтыру.

Сабақтың жоспары:

1.Таныстыру.

2.Бәйге ойыны.

3. «Кім жылдам»

4.Қызықты тәжірибелер.

5.Үй тапсырмасы.

6. «Тіліңмен жүгірме,біліміңмен жүгір»

Психолгиялық дайындық:

Сәлеметсіздер ме ата-аналар,оқушылар және ұстаздар!Бүгін біз үшін ерекше сабақ болғалы тұр.Өйткені сабағымызға көптеген қонақтар келген екен.Сондықтан біз сіздерге сәттілік тілейміз,қуаныш сыйлаймыз.Бүгін бізде 3 отбасы сайысқалы тұр.Біз сол отбасыларға сәттілік тілейміз.Енді осы отбасылардың сайыстағы еңбектеріне әділ бағасын беретін әділ-қазылармен таныс болайық.

Бүгінгі кеш-қызықты кеш,

Көрермендер,халайық

Ой-түйсікті қозғап қазір,

Биік қанат қағайық.

Физика салтанаты

Осы жерде құруын,

Белсенділік көрсетейік,

Бар ықылас құрулы

Ал,оқушы,ұстаздар

Ортаға назар салайық

Сайыскерлер шықпақ сайысқа

Қол соғып қарсы алайық-деп ду қол шапалақтап отбасыларды ортаға шақырамыз.

1.Әр топ өзін таныстырады.

2.Бәйге ойыны.

Қарап тұрмай бәйгеге еріңіз.

Шәкірттерге әділ шешім беріңіз.

Жүзден жүйрік,мыңнан тұлпар шығарар,

Бұл кезеңде сайыскерлеріміз категория бойынша сұрақтарға жауап береді.Дұрыс жауап бермеген жағдайда екінші ойыншы жауап беріп ұпай санын өз еншісіне алады.

Мақал-мәтелдер

Жұмбақтар

Ғалымдар

1.Мақал-мәтелдердің тәрбиелік мәнін және физикалық мағынасын айту керек.

10. Отты үрлеген жағады, Шындықты іздеген табады.

Жауабы: Отты үрлеген кезде,отқа жаңадан таза ауа келеді де от жақсы жанады. Өтірік айтпау керек,әр уақытта шыншыл,әділ болу керек.

20. Бір құмалақ,бір қарын майды шірітеді.

Жауабы: Диффузия құбылысы арқылы.Бір жаман ісіңмен барлық істеген жақсы істегеніңді жоясың.

30. Саусақ бірікпей,ине ілікпейді.

Жауабы: Үйкеліс құбылысы арқылы,бірлік,береке табысқа жеткізеді деген мағынада айтылған.

40. Қисық ағаштың көлеңкесі де қисық.

Жауабы: Бұл мақалда жарықтың түзу сызық бойымен таралуы негізінде бұрыс істеген істің кесірі өзіңе тиеді.Жақсылық істесең,жақсылық көресің,жамандық істесең жамандық көресің деген маңынаны білдіреді.

50. Көсеу ұзын болса,қол күймес.

Жауабы: Меншікті жылу сыйымдылығына байланысты,арқа сүйер адам,жақын тұтар кісең болса,қиындық көрмейсің.

Жұмбақтар.

10. Аса қажет өмірге халық үшін,

Пайдаланамыз күн сайын жарық үшін. (ток)

20. Көкке қараған,жұлдыз санаған. (телескоп)

30. Қозғалысқа келтіріп

Жылдамдығын береді.

Өлшемдерін қарасаң,

Ньютонға ол келеді. (күш)

40. Өзі затты құрайды.

Теңесуге таразыны сұрайды. (масса)

50. Жоғалмайды ешқашан

Түрлендірсек егер де,

Басқа күйге ауысса

Жұмыс істейді әрқашан. (энергия)

Ғалымдар.

10. Орыс тіліне «физика» деген сөзді алғаш енгізген ұлы ғалым кім? (М.В.Ломоносов)

20.Тарихта «екінші ұстаз» атанған ғұлама ұлы ғалым.(Әбу Насыр әл-Фараби)

30. Ең алғашқы қыздыру шамын ойлап тапқан өнертапқыш кім? (орыстың электр технигі А.Н.Лодыгин)

40. Дүниенің алғашқы физикалық бейнесін-дүниенің механикалық бейнесін-өзі қорытып шығарған ғалым. (Исаак Ньютон)