Толағай отбасылық спорттық сайысының сценарийі

М.Өтемісұлы жалпы орта мектебі

коммуналдық мемлекеттік мекемесі

«ТОЛАҒАЙ»

отбасылық спорттық сайысы

Өткізгендер: Исмаилов Ж

Сергебаев Ж

2018-2019 оқу жылы

Мақсаты: Оқушылар бойында патриоттық сезімдерін ояту, Отанын сүюге, қадір тұтуға тәрбиелеу.«Денсаулық» ұғымының адамгершлік құндылығы ретінде мәнін ашу. Денсаулықты сақтау, нығайту қажеттілігі туралы түсініктерін кеңейту. Денсаулығын нығайтуға қызығушылықтарын арттыру. Денсаулығын күтуге, бағалауға тәрбиелеу. Оқушылардың спортқа деген қызығушылығын арттыру.

Көрнекі құралдар: Толағай жазуы, спортқа байланысты нақыл сөздер, жалауша, кедергілер, шарлар. ҚР мемлекеттік туы, Гимн.

Өтілетін орны: Спорт зал

Спорттық құралдар: Спорттық құралдар, доп, матрас, орындық,круг т.б құрал жабдықтар.

Жарыс өтілетін спорт залды дайындау

1.Спорт залдың санитарлық-гигеналық талаптарға сай жуылуы, тазалануы.

2.Залды жарыс талабына сай дайындау.

3.Жарыста қолданылатын спорт құралдарын реттері бойынша дайындап қою.

4.Жарыс кезінде көмектесуге, құралдарды құруға, жинауға көмекшілерді дайындау.

Өту барысы:

Құрметті ата-аналар мен оқушылар және ұстаздар!1-желтоқсан Тұңғыш Президент күніне қарсы бүгінгі өткізгелі жатқан «Толағай» отбасылық спорттық сайысына қош келдіңіздер!

Ел басымыз Н. Ә. Назарбаев Қазақстан халқына жолдауында

«Жастардың барлық санатын қолдауға арналған шараларды толық қамтитын әлеуметтік сатының ауқымды платформасын қалыптастыру керек. Келесі жылды «Жастар жылы» деп жариялауды ұсынамын», - деді Нұрсұлтан Әбішұлы Назарбаев.

біздің болашақ балаларымыз арыстандай айбаттылығымен, жолбарыстай тектілігімен ел тізгінін ұстайды деп болашақ жастарға үлкен сенім артады.

Салауатты өмір сүру өз қолымызда. Осы мақсатта біз бүгін «Толағай» отбасылық спорттық сайысты ұйымдастырып отырмыз.

1 – жүргізуші:

- Ойнайық, ойнайық та ойлайық!

Қатардан артта қалып қоймайық!

Белсенді болайық ортада,

Уақытты тектен – тек жоймайық!

Ойнайық, ойнайық та ойлайық!

Күшімізді көрсетейік, сынайық!

Жеңсең де, жеңбесең де ренішсіз болайық,

Қаймықпай, көңілді болып жарысайық!

2 – жүргізуші:

Ұстанған салауатты өмір салтын,

Жасқанып, ешқашан да мойымайтын.

Болашақ спортшы топтар келді ортаға,

Қол соғып, қарсы алайық, кәне, халқым!

- Енді ортаға сайыскерлерімізді шақырайық. (сайысқа қатысушы отбасылардан құралған 4 топ ортаға шығады.)

І топ: «БӘЙТЕРЕК» тобы

ІІ топ: «ШЫМЫР» тобы

ІІІ топ: «ҚЫРАН» тобы

ІV топ: «ЖАС ҚЫРАН» тобы

1 – жүргізуші:

Қазылар орнықтырар әділдікті!

Кімдердің бірліктері кәміл мықты!

Спортшы топтар сайысында,

Жеңіске жетер дейміз, нағыз мықты...

2 – жүргізуші:

- Сайысымыздың негізгі арқауы болып отырған сайыскерлер тобының аяқ алысын бағалау үшін шақырылған әділқазылар алқасы құрамымен таныс болыңыздар.

1. Асанова Күлаш кәсіп одақ ұйымының төрайымы

2. Алайдарова Индира директордың тәрбие ісі жөніндегі орынбасары

3. Исмаилов Әлімжан

4. Сериков Қуаныш

1 – жүргізуші:

- Сайысымыздың бағдарламасы 6 кезеңнен тұрады. Ал әділқазылар алқасы әр кезеңнен кейін 5 балдық жүйемен өз бағаларын беріп, сараптама жасап отырады. Сайыстың шарттарымен таныс болайық.

1. «Өз тобыңды таныстыр» сайысы

2. «Пингвин» сайысы

3. «Вагон» сайысы.

4. «Кім жылдам» сайысы.

5. «Алтын қасық» сайысы.

6. «Мың бір мақал» сайысы.

2 – жүргізуші:

Бәйгені ат жаратып шапқан алар,

Олжаны жатқан емес, тапқан алар, - деп сайысқа қатысушы топтарға «Сәт сапар» тілейік, ағайын.

1 – жүргізуші:

Өнер қуып топ өтер дейміз,

Бір басына өнері жетер дейміз.

Сайысқа келген топтар кезектесіп,

Таныстырып өздерін кетер дейміз.

2 – жүргізуші:

Ал, ендеше сайысымыздың бірінші кезеңі «Өз тобыңды таныстыр».

Шарты: Әр топ өз тобының атын, ұранын, төсбелгісін таныстырып өту.

Олай болса, ортаға «Бәйтерек», «Шымыр», «Қыран», «Жас қыран»

тобын шақырамыз.

1 – жүргізуші:

Жалқаулықты тастаймыз!

Шынығамыз жастай біз!

Босқа тұрмай, қанекей,

Жаттығуды бастаймыз!