Төлдер тақырыбына арналған мектепалды сабақ жоспары

Білім беру саласы: Қатынас, таным, шығармашылық.

Бөлімдері: қоршаған ортамен таныстыру, тіл дамыту, ән-күй, құрастыру.

Тақырыбы: Үй жануарлары мен төлдері.

Мақсаты: Білімділік: Үй жануарлары туралы түсінік беру.

Дамытушылық: Балаларға үй жануарлары туралы тақпақтар мен мақал-мәтелдер

айытқызу арқылы тіл байлығын, ақыл- ойын дамыту.

Тәрбиелік: Үй жануарларына қамқорлық, жасауға тәрбиелеу.

Көрнекіліктер: Үй жануарлары мен төлдерінің суреттері, үлестірмелі материалдар.

Сөздік жұмыс: үй жануарлары, жайлау, қыстау, төлдер.

Билингвалды компонент: жайлау- джайлау, қыстау- зимовка.

Инклюзивті әлеумет: Қарақат, Нұрасыл,Станиславпен сөздік жұмыс жасау.

Оқу іс-әрекет кезеңдері

Тәрбиешінің іс -әрекеті

Балалардың іс- әрекеті

Мотиватциялық

қозғаушылық

Ұйымдастырушылық-ізденушілік

Рефлекциялық-түзетушілік

-Балалар, бізге бүгін қонақтар келіп отыр, қәне бәріміз сәлемдесейік.

-Балалар, бәріміз ортаға тұрып, «шаттық шеңберін» құрайық;

Дос болайық бәріміз

Жарасып тұр әніміз

Тыныштықты сактаймыз,

Атсын күліп таңымыз.

-Балалар, мен сендерге Ілияс Жансүгіровтің өлеңін оқып берейін, сендер мұқият тыңдаңдар;

-Шөре,шөре, лағым,

Тентек болма, шырағым

Секеңдемей ,деміңді ал,

Селтеңдемей құлағын, - деп нені айтамыз? Өлең не туралы?

-Балалар, сендер қандай үй жануарларын білесіңдер?

-Неге үй жануарлары деп атаймыз?

-Өйткені, қолда ұстайтын, күтіп – бағатын жануарларды үй жануарлары деп атайды. Олардың еті, сүті- бізге тамақ, ал жүні, терісі – киім. Осы үй жануарларының балаларын төлдері деп атаймыз. Ал аналарын енесі деп атаймыз. Естеріңе түсіріңдерші, малдардың төлдерін не деп атаймыз?

-Лақ, қозыны еркелетіп – қошақан, ботаны – ботақан, құлынды – құлыншақ деп атаймыз.

- Балалар, сендерді әжелерің, аналарың еркелете ме, еркелеткенде қалай атайды?

-Мына суретке қарайықшы, үй жануарлары төлдерімен көрсетілген.

-Сиыр қайда, төлі қайсысы кім көрсетеді?

-Түйе мен төлін кім көрсетеді?

-Қой қайда, төлі қайсысы, кім көрсетеді?

-Жылқы қайда, төлі қайсысы кім көрсетеді?

-Балалар, қазір жылдың қай мезгілі?

-дұрыс, қазір күз мезгілі. Малдарды жазда жайлауға бағады, ал қыста қыстауда ұстайды. Қәне, бәріміз айтайықшы: жайлау – джайлау, қыстау – зимовка, түйе – верблюд.

-Балалар, үй жануарлары мен төлдерін көргілерің келе ме?

-Жарайды, онда малды ауылға барайық. Жол ұзақ, ән айтайық, жол қысқарсын.

Әннің аты « Қошақаным».

(Малдардың дауыстары естіледі).

Малды ауылда әже қарсы алады.

-Сәлематсыңдар ма, балалар!

-Малды ауылға қош келдіңдер.

-Қайдан келесіңдер? Төрлетіңдер.