Топтық жұмыста ынтымақтастық пен сыни ойлауды дамыту

Түркістан облысы, Қазығұрт ауданы, Қ. Сатпаев атындағы мектеп-лицей КММ

Дене шынықтыру пәні мұғалімі Телікбаев Серик Сейдохасанович

Тақырыбы: Топтық жұмыс барысында ынтымақтастық және сыни ойлау дағдыларын дамыту

Қазіргі білім беру жүйесінде оқушыны жай ғана тыңдаушы емес, белсенді қатысушы ретінде тәрбиелеу маңызды. Бұл мақсатқа жетудің тиімді жолы - топтық жұмыс. Топ ішінде бірлескен әрекет арқылы оқушылар өзара ынтымақтасып, пікір алмасуға, жауапкершілік алуға және өз ойын дәлелдеуге үйренеді. Бұл сыни ойлау дағдыларын дамытудың негізгі тетігі болып табылады. Қазіргі заманғы білім беру жүйесінің басты мақсаты - тек білім беріп қана қоймай, оқушылардың жеке және әлеуметтік құзыреттіліктерін дамыту. Осы тұрғыдан алғанда, топтық жұмыс -ынтымақтастық пен сыни ойлау дағдыларын қалыптастырудың тиімді құралы.

Топтық жұмыс кезінде оқушылар өзара рөлдерді бөлісіп, бір мәселені шешуге бірге күш салады. Мұндай жағдайда ынтымақтастық қалыптасады. Әр оқушының пікірі ескеріліп, бірін-бірі тыңдау мәдениеті дамиды. Сонымен қатар, бір пікірмен шектелмей, түрлі көзқарасты салыстыру, бағалау арқылы сыни ойлау қабілеті қалыптасады.Мысалы, бір тарихи оқиғаны топта талқылау кезінде оқушылар дәлел, дәйек келтіріп, өз ойын қорғайды. Бұл олардың тек ақпаратты қабылдауын емес, оны өңдеп, терең түсінуін қамтамасыз етеді.

Топта жұмыс істеу кезінде әр оқушы өз пікірін білдіруге, басқаларды тыңдауға, дәлел келтіруге үйренеді. Бұл оқушылар арасында өзара сенімділік пен жауапкершілік орнатады. Бір-бірінің ойына құрметпен қарау, ортақ шешім қабылдау арқылы ынтымақтастық дағдылары дамиды. Ал сыни ойлау - ақпаратты терең түсініп, талдап, өзіндік қорытынды жасау қабілеті. Топтық жұмыс барысында қойылатын ашық сұрақтар, дәлелдерді талап ететін тапсырмалар оқушыларды тек жаттауға емес, ойлануға, салыстыруға, бағалауға итермелейді. Мысалы, пікірталас, зерттеу жұмыстары немесе бір мәселені шешуге бағытталған тапсырмалар оқушылардың ойлау икемділігін, дәлел келтіру шеберлігін дамытады. Сонымен қатар, әркімнің көзқарасы ескерілетін ортада бала өзін еркін сезінеді. Қорытындылай келе, топтық жұмыс - тек пәндік білім емес, сонымен қатар қарым-қатынас, пікір алмасу, сенім мен бірлікке тәрбиелеудің мықты құралы. Топтық жұмыс - тек білім алу емес, тұлғалық даму алаңы. Ынтымақтастық пен сыни ойлау арқылы оқушылар жауапты, саналы, ойлы тұлға…