Төрле төрле жаңа жыл мерекелік сценарийі

Төрле, төрле жаңа жыл!

Жаңа жыл мерекесіне сай безендірілген залға музыка ырғағымен сәнді киінген балалар залға кіреді.

Қасқыр

Ау, жарандар, ал қараңдар

Жауып тұр қар себелеп.

Көкке толды, жерге қонды

Сансыз аппақ көбелек.

Жаңа жылдың алдында

Тойды еске алдым да

Жылды қарсы алайық

Би билеп, ән салайық!

-Балалар, қысқы орманда сендермен бірге Жаңа жылды қарсы алайық.

Түлкі:

-Рахмет, Қасқыр. Орманда өте әдемі, әрі тамаша екен.

Балақайлар, алақайлар,

Жаңа жылға қош келдіңдер!

Бұл мереке жер жүзінде,

Тойланады баршамен.

Біз де шетте қалмайық,

Мерекені тойлайық.

-Біздің шыршамыз ән мен жырды жақсы көреді. Қане, қосылып, ән шырқайық, шыршамыз оянып, сымбатымен бізді қуантсын!

Ән: «Жаңа жыл»

Түлкі

- Орман өте әдемі, недеген керемет, әсем шырша?! Ойыншықтары қандай көп?

-Бұл шыршаны кім безендірген?

Қасқыр

-Түлкіжан, шыршаны Жаңа жыл мерекесіне арнап мына мен безендіріп қойдым. Бізге орманға мерекені тойлауға балалар қонаққа келіпті.

(Залға секектеп Қоян кіреді. Қатты тоңған. Дір-дір етеді)

Түлкі

-Қоян саған не болды? Неге дірілдеп тұрсың?

Қоян

-Мен қатты тоңып кеттім. Күннің суығын-ай!

Түлкі

-Қоян, біздің орманға балалар қонаққа келіпті.

Қоян

-Тамаша! Көп балалар жиналыпты ғой. Өздері қандай әдемі, қандай сүйкімді!

Сәлем, достар, аман ба?

Нұр берді шырша алаңға

Кәне, шашу шашайық,

Тойлап, көңіл ашайық.

Тауып өз сыңарымды

Тайсалмай, биге түсіп,

Тарқатам құмарымды.

Қасқыр

-Балалармен бірге билесең лезде жылынып кетесің!

-Балалар, бәріміз бірге көңілді билеп, Қоянды жылытайық. (Аңдар кезекпен балалармен бірге ортаға шығып билейді.)

«Аңдар биі»(флешмоб)

Музыка әуенімен ортаға билеп маймыл шығады.

Маймыл: Сәлеметсіздер ме, балалар, қонақтар! Жаңа жыл мерекесі құтты болсын! Балалар, мен кіммін?

Балалар: Маймыл.

Маймыл: Балалар, кәне отырмайық, ойын ойнайық.

Ойын-би: «Жаңа жылдық паровоз»

Түлкі:

Балалар мен сендерге жұмбақ жасырайын.

Соны шешесіңдер ме?

Балалар: Иә.

Жұмбақ:

Ақсақалды шал жылына

Бір-ақ рет келіп кетеді

Қызы мен ұлына

Сыйлық алып келеді.

Ол кім?

Балалар:

-Аяз Ата

Түлкі:

-Дұрыс балалар, енді жаңа жылдық мерекемізге Аяз атаны шақырайық. Ол орманда жүріп адасып кеткен болар.

Балалар:

-Аууууу, Аяз Ата! Аяз Ата! – деп айғайлап шақырады.

Аяз Атаның орнына Қарақшы (музыкамен билеп Қарақшы шығады) кіреді де, шыршаны бір айналып барып, қонақтардың алдына келіп тұра қалады.

Қарақшы:

-Пай-пай! Мен қайда келдім өзі?

-Не болып жатыр?

Қасқыр:

-Біз Жаңа жылды қарсы алып жатырмыз.

Қарақшы:

-Ал мені ше? Мені неге шақырмадыңдар? (ренжиді)

Ендеше шыршаны алып кетем. (Қарақшы шыршаны айналып, ары-бері жүреді)

-Қалай жұлып алсам екен?

-Ох, мына сағатты қара! Сағаттың кереметін-ай!? Ендеше осы сағатты алып кетейін.

(Осы кезде қарақшы шыршада ілініп тұрған сағатты жұлып алғысы келеді.)

Қасқыр:

-Біз «Жаңа жыл» мейрамын тойлап жатырмыз, тимеңіз біздің сағатымызға! Жаңа жылдың келген уақытын қалай білеміз?

(Қарақшы сөзге мән бермей, сағатты алып кетеді.

Сол кезде қалтасынан бір таяқ түседі)

Қоян: Балалар, көмекке Аяз Атаны шақырайық.

Мүмкін адасып кеткен болар. Бәріміз бірге дауыстап шақырайық (хормен)

-Аяз ата!

(Есіктің сыртынан дауыстар естіліп, іле-шала залға таяғын тарсылдата Аяз-ата мен Ақшақар кіреді)

Аяз-ата:

Аяулы аналарға, ардақты ұл-қыздарға

Бүлдіршін балаларға бір сәлем!

Қандай жарқын жүздерің

Қандай әсем жырларың

Асаулармен алысқан,

Асау желмен жарысқан

Аталарың сендерге

Шаршап келді алыстан!

(Балалар амандасады)

Аяз-ата:

-Оо, балаларым! Мен сендерді сағына жетіп келдім. Біз Ақшақар екеуіміз сонаааау солтүстіктен келіп тұрмыз.

Ақша қар: Аяз ата, дұрыс айтасыз! Иә, достар. Біз келгенше көптеген жерлерде болдық. Әлемнің әр жерінде той - думан болып жатыр.

Аяз-ата: Қарашы балалардың киімі қандай әдемі. Шырша қандай әдемі екен.

Шырша шамын жағайық,

Жаңа жыл тойын ашайық!

Сол кезде Ақшақар жылап тұрып:

-Мен шырша шамын жағатын сиқырлы таяғымды жоғалтып алдым. Осы кезде Аяз – ата оны жұбатып тұрып:

-Қазір мен - ақ өзімнің таяғыммен жағамын.

Ақшақар:

-Қойыңыз Аяз-ата! Сіз бұл таяғыңызбен бүкіл шыршаны қатырып тастайсыз.

Түлкі: Ақшақар, сиқырлы таяғың қандай еді?

Ақшақар: Менің таяғым жылтырауық болатын. Сіздер оны көрмедіңіздер ме?

Түлкі: Жаңа мында Қарақшы болған, ол кетіп бара жатып, қалтасынан жылтыраған бір затын түсіріп алды, сол емес пе екен?

Қане, барлығымыз іздеп көрейікші?

(Аңдар Ақшақардың таяғын іздейді, сөйтіп жатқанда сиқырлы таяқты Түлкі тауып алады)

Аяз-ата: Жарайсың, Түлкіжан!

Қасқыр: Қане, шырша жағуға көмектесейік, балалар!

шыршаны айналып, «Шырша жырын» айтайық.

Ән: «Шыршаға бардық»

(Ақшақар таяғымен өлең жолдарына сай шыршаның шамдарын жағады)

Аяз Ата:

-Дауыстарың қандай жақсы!

-Балалар сендер аяздан қорқасыңдар ма?

Балалар:

-Жооқ! Қорықпаймыз!

Аяз Ата:

-Менің таяғым сиқырлы. Тиген жерді тоңдырып, қатырады.Қане, байқап көрейік.

Ойын: «Қатып қалма» (музыка әуенімен)

-Қане, қане, қолдарың? (қолдарын көрсетеді)

-Аязбенен тоңдырам!...

Маймыл: Ал, балалар. Менің кететін уақытым келді. Келесі кездескенше, қош сау болыңыздар!

Аязата: (жан-жағына қарап)

-Жаңа жыл әтеш, қайда жүр, келетін уақыты болды ма? Ақшақар қызым сағат неше болды? Қарашы. (Ақшақар иығымен білмеймін дегендей ишара жасайды)

Қасқыр: Аяз Ата, ол сағатты қарақшы алып кетті. Ол тіпті шыршамызды алып кеткісі келген.