Жарқыра жайна жаңа жыл мерекелік сценарийі

Тақырыбы: «Жарқыра, жайна жаңа жыл –Тәуелсіз қазақ елінде!»

Мақсаты: Сынып сағатында балалардың жаңа жыл туралы түсініктерін кеңейту. Мерекелік ертеңгілікке деген ой-қиялын, көркемдік талғамын дамыту. Таңғажайып сәттер ұйымдастыра отырып, балалардың жаңа жыл мерекесіне деген қызығушылықтарын арттыру. Шырша мерекесін көңілді ұйымдастырып өткізу.

Безендірілуі: Ойыншықтар ілінген шырша, түрлі-түсті шарлар, жылтыр жаңа жылдық әшекейлер,жасанды қарлар,жаңа жылдық тілектер жазылған плакаттар.

Тәрбиеші:

Төгілтіп көк жүзінен ақшақарды,

Көк көрпе жапты бүгін бақшаларды.

«Мен келдім есіктерді ашыңдар»- деп,

Жаңа жыл күллі әлемге жар салады.

Жаңа жылдың таңы неткен арайлы

Ақ мамыққа бөлеп алды маңдайды.

Жаңа жылмен құттықтаймын!- деген үн

Қанаттана кең алқапқа тарайды.

Тәрбиеші: Қане, балалар тыңдайықшы, қар сықырлайтын сияқты.

/Осы кезде сыныпқа Ақшақар кіреді/

Ақшақар: Сәлеметсіңдер ме , құрметті балалар!

Мені таныдыңдар ма? Мен Ақшақармын ғой, біз Аяз ата екеуміз тұрамыз, Аяз ата сендерге сәлем айтты.Көп кешікпей өзіде келіп қалар.

-Қане, балалар, Аяз ата келгенше бір ойын ойнасақ қайтеді.

Ойын: «Кім шапшан»

Ақшақар:

Қандай әдемі, көркем едіңдер. Мен алыс жолдан келіп едім.Аяқтарым тоңып үлгерді.

Қане менімен билеңдерші, менің аяғым жылынсын.

/Музыка қойылып, балалар Ақшақармен бірге би билейді./

Тәрбиеші: Ақшақар, сіз қандай әнді жақсы көресіз?

Ақшақар: Мен шыршаны жақсы көремін.Сендер шырша туралы ән айтсандар тіпті жақсы болар еді.

Тәрбиеші: Ендеше, біздің балалар сізге арнап «Шыршаға бардық» әнін орындап берсін.

Ән: «Шыршаға бардық»

Ақшақар: Рахмет балалар, мен бір жыл бойы жаңа жылды асыға күтіп шыршыны сағынып жүр едім, көңілім бір көтеріліп қалды.

Тәрбиеші: Балалар, бізге бір хабар жетті, Аяз ата жақын жерде келе жатқан сияқты, олай болса Аяз атаны дауыстап шақырайық.

Балалар: Аяз ата, Аяз ата, Аяз ата!

/Аяз ата және Жаңа Барыс жыл залға кіреді, балалармен амандасады./

Тәрбиеші: Сәлеметсіздер ме Аяз ата, Сіз бізге жалғыз келмепсіз, жаныңыздағы кім?

Аяз ата: Бұл, 2022 жылы кіретін Жаңа Барыс жылы.

Ескі сиыр жылы: Қош келдің, Жаңа жыл!

Мен бір жыл бойы балалардың жанында, қызықты сәттеріне куә болдым, олар бір жылға есейді, тәртіпті, білімді болып өсіп келеді. Енді, мен кетейін, Барыс сенде балалармен қызықты уақыт өткізуге тілектеспін!