Төртіншісі артық, 2 сынып логопедиялық сабақ жоспары

Төртіншісі артық Мақсаты: Қарым – қатынас амалдарын пайдалана білуін, ойлау процесін: жалпылауды, айыруды, мәндік белгілерін анықтауды, ерікті әрекетті, реакцияның шапшаңдығын, бейнелік елестер мен координациялық қабілетті дамыту.

Қажетті құрал – жабдықтар: доп, үлестірмелі материалдар, қарандаштар, өшіргіштер.

Сабақтың барысы Сәлемдесу. Сәлемдесіп болған соң, балаларды бір іс - әрекетке жұмылдыру мақсатында «Қағаздың үстінде жүру» ойыны ойнатылады.

Эстафетаны өткізу үшін топ екіге бөлінеді. Әр командаға екі қағаздан беріледі. Тек қағазды басып, алдына бір парақты қойып, оны екі аяқпен басып, келесі қағазды алдына қою арқылы алға жылжиды. Осылай межелі жерге дейін барып, қайтып келуі керек. Осылай тапсырманы орындау арқылы команда мүшелері бір – бірімен сайысады.

Сабақтың мазмұны 7 жаттығу. «Төртіншісі артық» Мақсаты: ойлау процесін: жалпылауды, айыруды, мәндік белгілерін анықтауды дамыту.

Үлестірмелі материал: әрқайсысында 4 заттан бейнеленген әртүрлі үлестірме қағаздары (17 – сурет).

Нұсқау: «Сіздердің алдарыңызда 12 номерленген үлестірмелері бар конверттер жатыр. Әр үлестірмеде 4 суреттен бейнеленген, олардың үшеуі ортақ бір белгімен байланысқан, ал төртіншісі артық. Және де алдарыңызда 1 ден 12 - ге дейін номерленген жауап парағы бар. Сіздің міндетіңіз үлестірмедегі артық суретті номеріне сәйкес жауап парағына белгілеу керек. Егер түсінбесеңіз сұрауыңызға болады».

Сергіту сәті. Ойын. «Жапалақ» Мақсаты: ерікті әрекетті, реакцияның жылдамдығын, бейнелік елестер мен координациялық қабілетті дамыту.

Бір бала ортада «жапалақ» болады, ал қалғандары құрт – құмырсқа, көбелек, құстар болып, дөңгеленіп тұрады. Жүргізуші «Таң атты – тіршілік басталды!» деген кезінде жапалақ – бала көзін жұмып тұрады да, өзгелері қозағлысқа келеді. Жүргізуші: «Түн болды – тіршілік тоқтады» деген кезінде балалар орындарында тоқтап, қимылсыз қалады да, жапалақ оянып қозғалған баланы ортаға алып шығады.

Ойын. «Гүл, ағаш, жеміс» Мақсаты: ойлауды, есті зейінді аудару қабілетін дамыту.