Төтенше жағдайлардан сақтану жолдары 5-сынып

Күні: 01.03.18

Мектеп: Қарағанды қаласы, «№17ЖББОМ» КММ

Мұғалімнің аты жөні: Мағауина Айым Ерболқызы

Сабақтың тақырыбы: Төтенше жағдайлар және олардан сақтану жолдары.

Сабақтың мақсаты: төтенше жағдайлар, зілзала апаттары жөнінде білімдерін кеңейтіп, олардан сақтану жолдарымен, алғашқы көмек көрсету шараларымен таныстыру.

Сабақтың көрнекілігі: суреттер, презентация, бейнежазба

Сабақтың барысы:

1-тапсырма

Постер қорғау. Төтенше жағдайды қалай елестетесің?

Оқушылар төрт топқа бөлініп отырады. Әр командаға тапсырмалар беріледі. Оқушылар әр түрлі тақырыпта постерлер жасайды. Кейін топ басшылары өз жасаған постерлерін қорғайды.

2-тапссырма

Төтенше жағдайлар туындағанда қалай әрекет ету керек? – деген сұраққа олар тез арада жауап жазып, жасаған постерларының төмен жағына апарып жабыстырады.

1-наурыз – Дүниежүзілік Азаматтық қорғаныс күні

1 - наурыз күні әлемнің көптеген елдерінде Халықаралық Азаматтық қорғаныс ұйымының ұйымдастыруымен Дүниежүзілік Азаматтық Қорғаныс күні атап өтіледі. Бұл мереке әлемдегі сан алуан елдердің табиғи және техногендік сипаттағы төтенше жағдайлардың алдын алуға барлық күшті біріктіру, халықты Азаматтық қорғаныс пен Төтенше жағдайлар (АҚ пенТЖ) қызметтерін тосын оқиғаларға дайындауға бағытталған халықаралық акция болып табылады.

Халықаралық Азаматтық қорғаныс ұйымы (ХАҚҰ) 1931 жылы құрылған. Аталмыш ұйым көптеген жылдар бойы төтенше жағдай кезінде медициналық көмек көрсету жүйесін құру, білікті мамандар дайындау мен халықтың азаматтық қорғанысы саласында әлемдік елдердің күшін біріктіру саясатын жүргізіп келеді. Халықаралық Азаматтық қорғаныс ұйымы өз ресми атауын 1958 жылы алды. 1975 жылы осы ұйымның Жарғысы Біріккен Ұлттар ұйымының хатшылығында тіркелді. Қазіргі таңда ХАҚҰ Европа, Азия мен Африканың 70-ке жуық елін біріктіріп отыр. Төтенше жағдай саласында Қазақстан екі бірдей халықаралық ұйымының толыққанды мүшесі. Олар: Халықаралық Азаматтық қорғаныс ұйымы мен Нәубеттердің алдын алу жөніндегі Азия орталығы.

1997 жылдың 31қазанында Қазақстан Республикасының «Қазақстан Республикасының Халықаралық Азаматтық қорғаныс ұйымының Жарғысына кіру туралы» Заңы қабылданып, күшіне енді. Қазақстанның ХАҚҰ құрамына кіруі халықаралық төтенше жағдайлар құрылымдарында, сондай-ақ Орталық Азиялық аймақтағы елдердің қорғаныс жүйесінде өз орнын алуға мүмкіндік берді. ҚР Төтенше жағдайлар министрлігі қол қойылған ТЖ саласындағы халықаралық келісім шарттардың негізінде әртүрлі елдер мен халықаралық ынтымақтастыққа қол жеткізді.1996 жылдан бастап ТЖ министрлігінің мамандары түрлі халықаралық конференция, семинарларға қатысып келеді.

Қазіргі кезде қоршаған ортада түрлі өзгерістер мен толқулар сыр беріп жүр. Атап айтсақ, климаттың күрт өзгеруінен, табиғи және шикізат ресурстарын шектен тыс пайдаланудың салдарынан болатын түрлі апаттар, жаңадан шыққан түрлі жұқпалы аурулардың таралуы (құс, шошқа тұмауы, т.б)- осының барлығының қоршаған ортаға тигізер әсері орасан зор. Адам, табиғи және материалдық ресурстардың қауіпсіздігі мемлекет үшін басым бағыттардың бірі болғандықтан сақтандыру жүйесі күшейтіліп, төтенше жағдайларға ықпал ету қолға алынуда.

Мұғалім:

Төтенше жағдай дегеніміз адамдардың қаза табуына әкеп соғатын немесе денсаулығына, қоршаған орта мен шаруашылық жүргізу объектілерге нұқсан келтірген немесе келтіруі мүмкін, халықты едәуір дәрежеде материалдық шығындарға ұшыратып, тіршілік жағдайын бұзған немесе бұзуы мүмкін авария, зілзала немесе апат салдарынан белгілі аумақта туындаған жағдай. Төтенше жағдай пайда болу себептеріне қарай табиғи сипаттағы немесе техногендік сипаттағы төтенше жағдайларға бөлінеді.

Табиғи сипаттағы төтенше жағдайлар – дүлей зілзала (жер сілкінісі, сел, көшкін, су тасқыны және тағы басқалар табиғи өрт, індеттер мен малдың жұқпалы аурулары)

Техногендік сипаттағы төтенше жағдайлар: өнеркәсіп, көлік авариялары, өрт (жарылыс), үйлер мен ғимараттардың кенеттен қирауы, бөгендердің бұзылуы, тіршілікті қамтамасыз ететін электр энергетика және коммуникация жүйелеріндегі, тазарту құрылыстарындағы авария туғызған төтенше жағдайлар.

Құтқару әліппесі экстремальдық жағдайлар кезіндегі іс - қимылдың қысқаша нұсқауы

1 - оқушы:

Жер сілкінуіне дейін

Алдын ала дайын болыңыз;

- рюкзак немесе сөмкеңізді, құжаттар;

- үш күнге жететін тамақ пен су;

- жылжымалы электр фонары мен сөмке;

- алғашқы медициналық дәріханасы мен медикаменттер;

- жылы киім мен аяқ киім;

2 - оқушы:

Алғашқы жер сілкінісі кезінде:

Есте сақтаңыз: жер сілкінісі басталған кезде үрейленбеңіз және басқалардың үрейленуіне жол бермеңіз;

- Газ, су және жарықты сөндіріңіз;

- Жер сілкіну төменгі баллмен жай болса, онда сол жерде тұрыңыз, қорықпаңыз, күтіңіз; егер күшті жер сілкінісі болған кезде сіз үй ішінде болсаңыз: