Цифрлы ғасыр құжаты болашақтың кілті туралы мақала

«Цифрлы ғасырдың құжаты – болашақтың кілті»

Әл-Фараби атындағы Қазақ ұлттық университетінің 2 курс магистранты Нұрлыбекқызы Көркемай

Бүгінгі таңда ақпараттық технологиялар қарқынды дамып, қоғамның барлық саласына еніп жатыр. Осы орайда, архив ісі мен құжаттану саласы да жаңа деңгейге көтеріліп, цифрлық форматқа бейімделуде. Әл-Фараби атындағы Қазақ Ұлттық Университетінің Тарих факультеті, Дүниежүзі тарихы, тарихнама және деректану кафедрасы ұсынатын «IT Архивтану және құжаттану» магистрлік бағдарламасы осы заманауи талаптарға толық жауап береді.

Бұл бағдарлама архив ісі мен құжаттану саласында зерттеу, педагогикалық және басқару қызметін жүргізуге қабілетті, цифрландыру жағдайында құжаттар мен архивтерді басқару саласында IT қолдану дағдыларын меңгерген ғылыми-педагогикалық кадрларды даярлауға бағытталған.

Қазіргі уақытта архив ісі мен құжаттану саласында цифрлық технологияларды қолдану аса маңызды. Бұл салада жасанды интеллект, блокчейн, бұлттық сақтау жүйелері сияқты заманауи технологиялар кеңінен қолданылуда. Сондықтан, «IT Архивтану және құжаттану» бағдарламасы осы технологияларды меңгерген, бәсекеге қабілетті мамандарды даярлауға ерекше көңіл бөледі.

Бүгінгі қоғам – ақпарат заманы. Қай салаға көз салсаң да, құжат, дерек, мәлімет – бәрі цифрлық жүйеге көшіп барады. Ал осы шексіз ақпарат ағынын жүйелейтін, сақтайтын, қорғап, болашақ ұрпаққа жеткізетін – нағыз ақпарат сақшылары бұл – архившілер мен құжаттанушылар.

Тәуелсіз еліміздің тарихы қалай жазылады? Ғылыми зерттеулер неге сүйенеді? Мемлекеттік, әлеуметтік, құқықтық шешімдер қандай құжаттарға негізделеді? Мұның бәрі – архив құжаттары арқылы жүзеге асады. Ал сол құжаттар кімнің қолында? Оларды кім сұрыптап, сақтап, цифрландырып, зерттеушіге жол ашады? Міне, бұл – біздің жұмысымыз. Қазіргі таңда архив – ескінің сарқыншағы емес, керісінше жаңа заманның негізі. Цифрлық технология, жасанды интеллект, электрондық үкімет – бәрі де архив ісімен тығыз байланысты.

Әл-Фараби атындағы Қазақ Ұлттық Университетінің Тарих факультеті, Дүниежүзі тарихы, тарихнама және деректану кафедрасында оқытылатын IT Архивтану және құжаттану мамандығы – дәл қазіргі заман талабына толық жауап беретін бірегей бағыт. Мұнда тек архив ісін үйреніп қана қоймай, ақпаратты басқарудың заманауи тәсілдерін, цифрлық құжаттарды өңдеу, электронды архивтерді жүргізу, мәліметтер базасын құру, тіпті IT құралдар арқылы тарихи деректерді талдау сынды ерекше…