Цифрлы Қазақстан туралы танымдық мақала материалы

Цифрлы Қазақстан – болашаққа батыл қадам

Информатика пәнінің оқытушысы

Жубанышбаева Райкуль Жанабергеновна

«…Біз цифрлық технологияны қолдану арқылы құрылатын жаңа индустрияларды өркендетуге тиіспіз. Бұл — маңызды кешенді міндет. Елде 3D-принтинг, онлайн-сауда, мобильді банкинг, цифрлық қызмет көрсету секілді денсаулық сақтау, білім беру ісінде қолданылатын және басқа да перспективалы салаларды дамыту керек. Бұл индустриялар қазірдің өзінде дамыған елдердің экономикаларының құрылымын өзгертіп, дәстүрлі салаларға жаңа сапа дарытты. Осыған орай, Үкіметке «Цифрлық Қазақстан» жеке бағдарламасын әзірлеуді және қабылдауды тапсырамын» - деді мемлекет басшысы Нұрсұлтан Назарбаевтың «Қазақстанның үшінші жаңғыруы: жаһандық бәсекеге қабілеттілік» Жолдауынан.

Қазіргі уақытта заманауи ақпараттық-технологиялардың мүмкіндігі зор. Мамандардың айтуынша, оның ең сапалысы — цифрлы технология. Қай салада болмасын, бұл технология жұмысты жеңілдетуге бірден-бір ықпал етіп отыр. Мұндай оң өзгеріс — заман талабы. Осыған орай, еңбек нарығында да үлкен өзгерістер болатыны көрініп-ақ тұр. Озық технологияларды біліктілік бастауы десек, еліміздің алға басуы ақпараттық технология (ІT) саласының дамуымен анықталмақ. Мұның барлығы — осы ғасырдың ақиқаты. Сәл бұрынырақта интернет түгілі, компьютерде мәтін терудің өзі бір үлкен жетістік көрінетін. Қазір интернетке қосылған компьютеріңіз не планшетіңіз болса, үйде отырып-ақ, құжатқа қатысты шаруаны тындыра беруге болады. Мәселен, анықтама ала аласыз, некеге отыруға онлайн өтінім бере аласыз, баланы онлайн арқылы балабақша кезегіне де қоюға мүмкіндік бар. Алайда электронды құжатқа қатысты осындай жұмыстардың бәріне ең әуелі электронды цифрлы қолтаңба қажет.

2018 жылдың маусым айында Казақстанның бірнеше қалалары мен аудандарында қарапайым халықтың цифрлы сауаттылығын арттыру мақсатында курс өткізілді. Яғни мектептер мен колледж мұғалімдері 32 сағаттан құрастырылған оқу бағдарламасы бойынша курс өткізді. Соның бірі мен де 50 адамнан (колледжіміздің студенттерінің ата аналары мен колледж тех. қызметкерлері) жиналған екі топқа «Электрондық үкімет және электрондық мемлекеттік қызметтер», «Электрондық сауда», «Ашық үкімет» және «Базалық цифрлық дағдылар» курсы бойынша өтіздім. Курс қорытындысы бойынша қатысушылардың 80 % -і базалық компьютерлік сауаттылыққа үйренді және ЭЦҚ бар адамдар egov.kz порталынан қалай анықтама және т.б. қызметтерін алуды меңгерді. Ал енді халықтың цифрлық сауаттылығының…