Туған күніңмен, досым! мектепке дейінгі материал

Туған күніңмен, досым!

Мақсаты: 1.Балалардың туған күн туралы түсініктерін қалыптастырып, жаңа сөздерді меңгерту.

2. Сөздік қорларын молайтып, тілек айтуға дағдыландыру.

3. Адамгершілікке, адалдыққа, сыйласымдыққа, достықты бағалай білуге үйрету.

Жүргізуші. Күз мезгілінің, қазан айында туған «Балапан», «Қызғалдақ», «Айгөлек», «Байтерек» тобының балаларын қошеметпен қол соғып қарсы алайық.

Осы күз мезгіліндегі туылған балалар туған күндеріңді өздеріңнің достарыңмен, қонақтармен тойлағалы отырмыз. Олай болса туған күндерің құтты болсын, өмір жастарың ұзақ, денсаулықтарың мықты болып, Қазақстанымыздың туын биікте ұстайтын ақылды да, батыл ұл-қыздары болыңдар.

Құттықтау мен сыйдың,

Иесі мынау гүлдің,

Айтыңдаршы балалар,

Туған күні кімнің?

Балалар жауап береді.

Ал енді сендердің туған күн мерекелеріңе өздеріңнің достарың дайындаған сыйын қабыл алыңдар.

1-бала.

Бүгін сенің туған күнің,

Бетіңді мөлдір сумен жуған күнің,

Қадірлейміз әр жылда бұл күніңді,

Құтты болсын, құтты болсын туған күнің.

2-бала.

Жайнасын өмірің күн сайын

Аспанда тұрсын күн мен айың.

Келешек өміріне бақыт тілеп,

Туған күн мерекеңмен құттықтаймын!

3-бала

Көрсін біздей балғын

Көңілденсін ол енді

Шырқатайық ән-жырды.

Шырқатайық өлеңді.

Хор: «Жау-жау жаңбыр»

4-бала.

Еркін күліп ойнаймыз,

Ертеңді де ойлаймыз.

Достықты қастерлеп,

Туған күнді тойлаймыз.

Тәрбиеші: Мына көңілді мерекеде ойын ойнайық. «Жіпке тізілген кәмпиттер» ойыны. (Баланың көзін байлап, жіптегі кәмпитті қайшымен кесіп алу.)

Тәрбиеші.

Енді ортаны ашайық

Ән мен биді шалқытып,

Інжу-маржан шашайық.

Жиналған халық таң қалсын

Өнерден күмбез жасайық

Тоты құстай таранған

Балалардың ән-жырын.

Тыңдаңыздар, ау жаран.

Тәрбиеші.

Тобымыздың бишілерін шақырайық,

Қошеметпен. Құрметпен қарсы алайық.

Бишілерімізді ырғалтып би билетіп,

Қол соғып, биік шыңға самғатайық,-дей отырып, туған күн кешінде достарға, қыздардың орындауында «Гүлдер» биі.

5-бала.

Балабақша есігін

Үшке тола ашқанбыз.

Балапандай өсіріп

Мәпелейді бақшамыз.

Ғажайып сәт: жолбарыс кіреді (тілек айтады ойын ойнатады, сыйлық береді)

«Тілекті шарларды жару» ойыны. (Үрленген шарды ату, ішінде жылтырлар мен тілектер жазылған, шар жарылғанда балалар қуанады.)

6-бала.

Үйренеміз өнер біз,

Шетімізден шебкерміз.

Тақпақ айтып, ән шырқап

Би де билеп береміз.

Келесі тамашалайтындарыңыз «Буратино» биі.