Туған өлкем мақтанышым тәрбие сағаты

Маңғыстау облысы

Бейнеу ауданы

«Атамекен орта мектебі» КММ

Адилбаева Гулжан Дуйсенбаевна

Ашық тәрбие сағатының тақырыбы: «Туған өлкем мақтанышым»

Ашық тәрбие сағатының мақсаты: Туған өлке туралы түсінік беру. Туған жерін, елін сүюге, еліміздің рәміздерін қастерлеуге, туған еліне, жеріне деген сүйіспеншілігін арттыруға тәрбиелеу.

Көрнекілігі: туған өлкеміздің, еліміздің суреттері, мемлекеттік рәміздер,

мақал – мәтелдер

Сабақтың барысы:

Әнұран орындалады.

Психологиялық дайындық:

Бүгінгі күніміз сәтті болсын!

Аспанымыз ашық болсын!

Еліміз, туған өлкеміз тыныш болсын!

Денсаулығымыз мықты болсын!

Мұғалім: Балалар қазір жыл мезгілінің қай айы?

Балалар: Қазан айы

Мұғалім: Бүгін аптаның нешінші күні

Балалар: Бейсенбі күні

Мұғалім: Балалар біздің жасап жатқан еліміз қалай аталады?

Балалар: ҚазақстанМұғалім: Қазақстан жері қандай?Балалар: Қазақстан әдемі, үлкен

Мұғалім: Біздер қазір қай ауданда жасап жатырмыз?

Балалар: Бейнеу ауданында

Мұғалім: Өздеріңіздің жасап жатқан аудандарыңыз ұнайды ма?

Балалар: Иә

Мұғалім: Жарайсыңдар балалар, себебі біз мұнда туып өстік, қазір онда білім алып жатырмыз. Оның табиғаты әсем, күннен-күнге көркеюде.

Біз өз елімізді, туған жерімізді, өлкемізді жақсы көреміз бе?

Балалар: Иә, жақсы көреміз.

Мұғалім: Иә, сол сияқты туған халқымыздың ата-дәстүрін жалғастырамыз, мемлекетімізді басқарып отырған елбасын құрметтейміз, еліміздің Туын, Елтаңбасын, Әнұранын сыйлап қастерлейміз.

Енді осы туған елімізге, жерімізге, өлкемізге байланысты

тақпақтарымызды айтайық:

Нұрзат: Айдын шалқар көлім бар

Ну орманды жерім бар

Күннен күнге көркейген

Менің байтақ елім бар

Ақнұр: Астана - біздің сәніміз,

Білім – біздің нәріміз.

Азат елдің тірегі,

Болайықшы бәріміз.

Төрекелді: Бақытты боп жүргенім,

Сенің арқаң, Ұлы Отан

Елім менің тірегім,

Құшағыңда гүл атам.

Камшат: Отаным - менің өзегім,

Қырыңды шарлап, кеземін.

Білу керек әр ұрпақ,

Бес саусақтай өз елін.

Асима: Сүйемін мен Отанымды,

Гүл жайнаған жерімді.

Сүйемін мен ата - анамды,

Мені өсірген елімді.

А.Қанат: Отанды жас-кәріміз де,

Туған жер деп сүйеміз.

Өйткені онда бәріміз де,

Туып, өмір сүреміз.

Ән: «Менің Отаным – Қазақстан»

Көнебаева Аяна, Урынбасаров Нұрлыбек, Ерғали Аружан