Туған өлкем тұнған шежіре 7-сынып тәрбие сағаты

Тақырыбы: «Туған өлкем - тұнған шежіре» Шығармашылық іздендіру тәрбие сағаты.

Мақсаты: Оқушыларды туған өлкесінің тарихын, мәдени мұраларын, тарихи құжаттарын зерттеуге баулу.Өзіндік әрекет дағдыларын жетілдіріп және шығармашылық қабілеттерін дамыту. Оқушыларда туған өлкеге деген қадір – қасиетті оята отырып, сол арқылы туып - өскен өлкеге, Отанға деген сүйіспеншілікті қалыптастыру

Әдісі: Шығармашылық, топтық жұмыстар, талдау, жинақтау, салыстыру, бейнелеу, жеке жұмыс, ән айту, қорғау, қорытындылау.

Тәрбиелік мәні: Оқушылардың өз бетінше ойлауға,есте сақтау қабілетінің жетілуіне, дүниеге рухани және эстетикалық көзқарасын қалыптастыруға, өз бетімен ізденіп, білімін көтеруге бағытталған.

Алдын-ала жүргізілетін жұмыстар: Бейнеу ауданының мұражайына барып, тарихи құндылықтармен танысу. Барысы:І Таныстыру (Топ оқушылары Бейнеу ауданы туралы жинаған мәліметтерін айтады)ІІ Көкпар (Сұрақ – жауап)ІІІ Мен суретшімін (Бейнеу ауданының әсем жерлерін бейнелейді)ІV Өз ойым (Оқушылар болашақ Бейнеу ауданын қалай көреді, сол туралы әңгімелейді)V Жыр шашу (Оқушылар өздерінің дайындаған ән, билерін көрсетеді)VІ Қорытынды

Мұғалім: Кіріспе (мұғалім сөзі)

Туған өлкем байлығы мол қазынам,Сол байлықтың шуағында шомылам.Бәрінен де артық көрем мен сені,Бар қаладан қымбатсың ғой сен маған.Су мен тасын, өзен-көлін сүйемін,Аң мен құсын арыстандай көремін.Туған өлкем ол менің жер жәннатым,Осындай елде туғаныма мақтанамын – деп ақындар жырлағандай, осындай байтақ даламызды аялайық та, сүйе білейік.Біздің Отанымыз – Тәуелсіз Қазақстан! Қазақстан дегенде көз алдымызға кең байтақ дала, шексіз жазира дала елестейді. Яғни дала бейнесі көз алдыңа келеді. Бұл кең дала - қазаққа қымбат дала.Ендеше, құрметті ұстаздар, ата – аналар, оқушылар «Туған өлке – тұнған шежіре» атты тәрбие сағатымызды бастауға рұқсат етіңіздер.

Оқушылар жеребе таңдау арқылы екі топқа бөлінеді.

Балалар, сіздермен бірге мұражайға барып, тарихи құндылықтармен танысып келдік. Ендеше, өзіміздің дайындаған Бейнеу ауданы туралы мәліметімізді тыңдайық.

І Таныстыру (Топ оқушылары Бейнеу ауданы туралы жинаған мәліметтерін айтады)

Бейнеу селосының іргетасы 1963 жылы теміржолдың салынуына байланысты қаланды. Бейнеу ауданы 1973 жылы сәуір айында құрылды. Бұған дейін бұл аймақ Атырау обылысының Маңғыстау ауданына қарады. Оңтүстігінде Түркменстанмен, оңтүстік шығысында Қарақалпақстанмен, солтүстігінде Атырау, солтүстік шығысында Ақтөбе облыстарымен шектеседі. Ауданның әкімшілік…