Туған табиғат тақырыбына арналған ашық сабақ, 3 сынып

Өзiн-өзi тану сабағының жоспары

Мектеп: Мерзiм: сәуір. Мұғалiм:

Сынып: 3 Оқушылар саны: Тақырып: Туған табиғат Құндылық: Сүйіспеншілік Қасиеттер: сүйіспеншілік, жақсылық, қамқорлық

Сабақтың мақсаты: Табиғатқа қамқорлық жасауға үйрете отырып, Cүйіспеншілік құндылығының мәнін ұғындыру.

Сабақтың міндеттері:

1.туған жер мәтін бойынша сұрау, мұғалім сыйы арқылы оқушыларға табиғат туралы түсініктерін тереңдету, мейірімділік, қамқорлық қасиеттері ұғындыру.2. Дәйексөзді ашу барысында оқушылардың бойына қоршаған ортаға деген мейірімділік, жанашырлық сезімдерін дамыту. 3. Шығармашылық жұмыс орындау арқылы оқушыларды бәрін жақсы көруге , табиғатты аялауға тәрбиелеу.

Ресурстар: Күнделік,дәптер, пенал, бейджик,қалам ,түсті қарындаштар,гүлдер,себет,АКТ-ның мүмкіндігі.

Тыныштық сәті.

«Орманға саяхат» баяу музыка ойнайды

Көзімізді жұмамыз, терең демаламыз, әр демімізбен өзімізді еркін, тыныштықта сезінеміз.

Қазір біз орманға дем алуға барамыз. Елестетіңіз, біз сыныптан шығып, дәлізден өтіп, далаға бет алдыңыз.

Таза ауаны сеземіз, самал ескен жылы жел мен күннің нұры ақырын ғана бетімізден өбеді, шашымызды сипайды.

Біз ақырын орманға қарай бет аламыз. Абай болайық, жердегі жәндіктерді аяғымызбен басып кетпеуге тырысайық. Бір минутқа тоқтап, айналамыздағы әсемдікке көз салайық. Құлпырып өскен гүлдердің иісі мұрынды жарады, қандай керемет иіс! Айналамыздағы әрбір әсемдікті көзімізден таса қылмай, ары қарай бет аламыз.

Орманның ішіне де келдік. Құстардың әсем әуені, шөптердің сыбдыры жан дүниемізді жаулап алғандай. Айналамызда түрлі ағаштар. Сол ағаштың ішінен бір қайыңды таңдап алыңыз. Бауырында отырып, біраз тыныстап алыңыз.

Мен бақыттымын, менің жан дүнием тыныш. Табиғат қандай тамаша! Мен табиғаттың бір бөлшегімін, менің табиғатқа зияным тимеуі керек, кез- келген уақытта мен осы ағаштың түбіне келіп дем аламын.

Енді орнымыздан ақырын тұрып, айналамызға тағы көз жібереміз. Келген ізімізбен, мектепке қарай аяңдаймыз. Сыныбымызға келіп өз орнымызға отырайық.

Тыныштық пен ризашылықты жүрегімізде сақтап, көзімізді ашамыз, бір-бірімізге қарап күлімсірейміз.

Тыныштық сәтінен қандай әсер алдыңыздар.Олай болса балалар, осы нұрды жүрегімізге сақтап қалайық.

2. Үй тапсырмасын тексеру.

104-беттегі Р. Әбілқадырованың «Туған жер туы» мәтіні бойынша пікір алмасу.

Мазмұны бойынша сұрақтар қойылады:

1. Сонымен балалар табиғат деген не?

2.Сонымен, балалар неліктен қарт туған жерге риясыз қызмет етуге асықты?

3. Сен табиғатқа қандай қамқорлық жасар едің?

Сабақ барысын талдау

Дәйексөз

«Таза болса табиғат, аман болар адамзат»

Ф.Оңғарсынова

Дәйексөзді балалар хормен оқиды.

Дәйексөздің мағынасын ашып беріңіздер?

-Таза табиғат дегенде не түсінесіз?

-Егер адамдар ағаштарды кесіп,гүлдерді жұлып,ауаны,суды,жерді ластайтын болғанда не болады?

-Қалай ойлайсыңдар?

Дәйексөзді дәптерге көшіріп жазады.

Қорытынды: Табиғат адам өмірінің барлық қажетін толық өтей алу үшін ол міндетті түрде ештеңемен былғанып уланбауы тиіс. Адам өзінің де, табиғаттың да досы, санасыз іс-әрекет жасаса,…