Жансыз табиғат тақырыбына арналған 3-сынып ашық сабағы

Пән: Қазақ тілі

Ұзақ мерзімді жоспар бөлімі: Жанды табиғат

Күні:

Сынып: 3

Мектеп: Ә.Жангелдин атындағы орта мектеп

Мұғалімнің аты-жөні: Ермагамбетова Сауле Максимовна

Қатысқандар саны:

Қатыспағандар саны:

Сабақ тақырыбы

Жанды және жансыз табиғат

Осы сабақта қол жеткізілетін оқу мақсаттары

3.​1.​2.​1 баяу және анық айтылған жиі қолданылатын сөздер және сөз тіркестерінен құралған шағын мәтіндердегі сөйлемдердің мазмұнын түсіну

3.​2.​4.​1 жоспар (сурет, сызба түрінде) және тірек сөздер негізінде оқиға желісін сақтай отырып мазмұндау

.​5.​1.​5 үлгі бойынша сөйлемдегі сөздердің орын тәртібін сақтап жай сөйлем және мұғалімнің қолдауымен құрмалас сөйлем құрастыру

Сабақ мақсаттары

Оқушылардың барлығы: тыңдаған мәтіндегі сөйлемдердің мазмұнын түсінеді, қолдау арқылы оқыған мәтіннің мазмұнын айтады, тақырып бойынша жай сөйлемдер құрайды

Оқушылардың көпшілігі: тыңдаған мәтін мазмұны бойынша сұрақтарға жауап береді, мәтіннің мазмұнын тірек сөздердің көмегімен айтады, мұғалімнің қолдауымен құрмалас сөйлем құрайды

Оқушылардың кейбірі: тыңдаған мәтінге қатысты өз пікірін айтады, үлгі бойынша құрмалас сөйлемдер құрайды

Бағалау критерийлері

Тыңдаған мәтіннің мазмұны бойынша сұрақтарға жауап береді.

Тыңдаған мәтіннің мазмұнын тірек сөздер арқылы айтады.

Жай және құрмалас сөйлемдер құрастырады.

Лексикалық минимум

Жанды/жансыз, өсімдік, өс

Грамматикалық минимум

Жай сөйлем. Өсімдік жанды табиғатқа жатады.

Құрмалас сөйлем.

Жалғаулықтар: себебі, өйткені

Өсімдік жанды табиғатқа жатады, себебі ол өседі.

Құндылықтарды дарыту

Қоршаған орта білімдерін кеңейтеді. Қоршаған ортаны қорғауға үлес қосады.

Пәнаралық байланыстар

дүниетану

АКТ қолдану дағдылары

таныстырылым

Бастапқы білім

Күз келді

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

„Өзіңізге тілегенді – басқаларға тілеңіз!“

Әр оқушыға 10 -15 секунд уақыт аралығында ішінен өзіне бір ізгі тілек тілеу тапсырылады.Содан кейін қатысушылар жұпқа бөлініп, бір- бірінің қолынан алып, жаңағы өзіне тілегенді жұптасына айту керек.

Үлгі: „Мен саған денсаулық тілеймін“, „Сабақты тек 5-ке оқы“, „Саған сәттілік тілеймін“

«Балмұздақ таяқшалары» әдісі арқылы үй тапсырмасын сұрау.(Сыныптағы оқушылардың есімдері жазылған қағаздардың кез келгенін таңдау арқылы)

Сабақтың тақырыбын, мазмұнын суреттер арқылы болжайды.

Бүгінгі сабағымыз не туралы деп ойлайсыңдар?

Қандай айырмашылық байқап тұрсыңдар?

Сабақ мақсатымен таныстыру

Тыңдаған мәтіннің мазмұнын түсінемін.

Оқыған мәтіннің мазмұнын айтамын.

Сөйлемдерді дұрыс құрастырамын.

Сабақтың ортасы

(МК, Ұ) «Дефиниция» әдісі бойынша

жаңа сөздерді меңгерту (сөздер және сол сөздерге жазылған анықтаманы сәйкестендіру)

өс, өседі (қимыл арқылы көрсету)

жанды

жансыз

өсімдік

туады, өседі, өледі,тыныс алады, қоректенеді

тумайды, өспейді, өлмейді, тыныс алмайды, қоректенбейді

ауаны тазартады, өседі, әртүрлі болады, қысқа болып өседі, биік болып өседі

Жаңа сөздермен сөз тіркестерін және сөйлемдер құру.

Үлгі:

Ақылды болып өс. Орманда өсімдік көп өседі.

Жанды табиғат. Өсімдік жанды табиғатқа жатады.

Жансыз табиғат. Тау жансыз табиғатқа жатады.

Өсімдіктің түрі. Өсімдіктің түрі көп.

(Ұ) Тыңдалым.

Әлібек атасымен баққа барды. Олар ағаштарға, гүлдерге су құйды.

Атасы Әлібекке:

- Табиғатты қорғау керек, -деді.

-Ата, табиғат деген не?- деп сұрады Әлібек.

- Балам,табиғат – бізді қоршаған орта. Біз суды, тамақты, қажет заттарды осы табиғаттан аламыз. Табиғат жанды және жансыз болады,-деді атасы.

-Ата, мен түсінбедім,-деп таңқалды Әлібек.

-Жанды табиғат су ішеді, қоректенеді. Олар: жануарлар, өсімдіктер, жәндіктер, балықтар. Адам да табиғаттың бір бөлшегі-деп түсіндірді атасы.

Тыңдалымалды тапсырма.

Оқушыларға төмендегі сұрақтарды қою:

«Табиғат» деген не?

Табиғатты қорғау керек пе?Неге?

Сен табиғатты қалай қорғайсың?

(Ө) Тыңдалым мәтіні

Тыңдалым тапсырмасы

Мәтін бойынша сұрақтар тақтаға алдын-ала жазылады. Мәтінді мұқият 2 рет тыңдайды.

Әлібек кіммен сөйлесті?

Олар не туралы сөйлесті?

«Табиғат» деген не?

Табиғат қандай болады?

Содан кейін мәтін бойынша төрт сұрақты жеке қағаздарға жазып, қоржынға немесе сандықшаға салу. Төрт оқушы қоржыннан сұрақ алып, сол сұраққа жауап береді. Қалған оқушылар дұрыс/бұрыстығын анықтайды.

(Ж) Тыңдалымнан кейінгі тапсырма. Айтылым.

Тірек сөздерді пайдаланып, тыңдаған мәтіннің мазмұнын әңгімелейді.

Тірек сөздер:

Әлібек, ата, сөйлесті, табиғат, жанды, қоршаған орта, жансыз