Туған тілім тірлігімнің айғағы балабақшаға арналған сценарий

Мемлекеттік коммуналдық қазыналық кәсіпорыны

№63 "Әсем-Ай"балабақшасы "Алпамыс", "Ақбұлақ" шағын орталықтары

Тілдер мерекесіне арналған

«Туған тілім тірлігімнің айғағы» атты

мерекелік ертеңгіліктің сценариі

Өткізген: қазақ тілі мұғалімі

Жунусова Гульден Жайсановна,

тәрбиеші Оспанова Динара Сейтказиевна

Тексерген: әдіскер Кабылова

Румхан Балгабаевна.

Мақсаты: Өз ана тіліне деген құрмет сезімін арттыру, тіл мәртебесін көтеру, таза сөйлеуге , өз ұлтына, еліне деген сүйіспеншілігін ояту. Ана тіліміздің тұғырының мықты болуына негіз қалаған бабаларымыздың өсиетін ұран ету, қазақ тілінің мәртебесін көтеру.

Әнұран орындалады.

Жүргізуші: Армысыздар құрметті қонақтар, ұстаздар, балалар бүгін міне еліміздің өмірінде дәстүрге айналып өткізіліп келе жатқан мерекелердің бірі - «Қазақстан Республикасы халықтарының Тілдері күні» мерекесіне арналған «Туған тілім тірлігімнің айғағы» атты ертеңгілікке қош келдіңіздер.

Елбасымыз Н.Ә. Назарбаевтың 1998 жылдың 20 қаңтардағы жарлығына сәйкес 22 қыркүйек «Қазақстан халықтарының тілдері күні» ретінде аталып келеді.

Жүргізуші:

-Балалар бүгін қандай мереке?

-Қазақстан Республикасы халықтарының тілдері күні!

-Дұрыс айтасыңдар, балалар! Бұл халықтар арасындағы достықтың дәнекері болар, әрбір ұлттың өзін – өзі танып білуіне жол ашар – Тіл мерекесі.

-Қазақстан Республикасының мемлекеттік тілі - қазақ тілі!

Туған тілім

Қазақ тілі – қазағымның айнасы,

Күнім болып, бар әлемге жайнашы.

Тілім барда, сыр шертемін жырлаймын,

Ұлтымыздың туған тілін сыйлаймын.

Ана тілі (Жұлдыз тобы)

Қымбат маған ана тілім, бал тілім,

Қымбат маған дана тілім, ар тілім.

Ақ сүтімен бірге сіңген бойыма,

Ана тілім ардақ тұтар алтыным.

Ана тілін жырлап өткен талайлар,

Жырлап өткен Ыбырай мен Абайлар.

Қасиетті менің ана тілімде,

Өшпес мәңгі алаулаған арай бар

Ана тілі (Жұлдыз тобы)

Ана тілің, біліп қой,

Еркіңдігің, теңдігің.

Ана тілің, біліп қой,

Мақтанышың, елдігің.

Ана тілің – арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте

Туған тілім (Жұлдыз тобы)

Қазақ тілі – қазағымның айнасы,

Күнім болып, бар әлемге жайнашы.

Тілім барда, сыр шертемін жырлаймын,

Ұлтымыздың туған тілін сыйлаймын.

Тілім барда мен мәңгілік мақтанам,

Тіліммен қуанамын шаттанам.

Ән

Жүргізуші:

Отан – менің тірегім,

Кеудемдегі жүрегім.

Ертеңгі өмір, үмітім,

Сен деп соқсын күні – түні.

Үш бақытым (Ақбаян)

Ең бірінші бақытым - Халқым менің,

Соған берем ойымның алтын кенін.

Ол бар болса, мен бармын, қор болмаймын,

Қымбаттырақ алтыннан нарқым менің.

Ал екінші бақытым - Тілім менің,

Тас жүректі тіліммен тілімдедім.

Кей-кейде дүниеден түңілсем де,

Қасиетті тілімнен түңілмедім.

Бақытым бар үшінші -Отан деген,

Құдай кім десе,

Отан дер ем! ...

Оты сөнген жалғанда жан барсың ба?

Ойланбай - ақ кел дағы от ал менен.

Көрініс:

Қазыбек би:

Уа, халайық!

Аттың күні атқарған тірлігінде.

Төртеу түгел болса, төбедегі келеді,

Алтау ала болса, ауыздағы кетеді.

Жаңбыр жаумаса жер жетім,

Басшысы болмаса ел жетім.

Ұқпаса айтқан сөз жетім.

Қазыбек би:

Біз үш жүз болып ұрпағымыздың амандығы үшін ауызбіршілікпен жүздесейік.

Әйтеке би:

Уа, халайық!

Алтын ұяң Отаның қымбат,

Құт береке атаң қымбат.

Мейірімді анаң қымбат.

Асқар тауың әкең қымбат.

Төле би:

Уа, халайық

Қолымызды жаяйық.

Қалықтаған көгершіні көгінде,

Мұңаймасын ешбір бала елінде.

Ата берген батаменен көркейсін,

Ұлы Отаным, тілегім сол менің де.

Әумин.

Жүргізуші:

Ана тілім, ардағымсың сен менің,

Қыр гүліндей қанат жайып өрледің.

Туған тілін қастерлейтін бүгін де,

Ешбір елді қазағымдай көрмедім.

Жүргізуші: