Туған жер ғажаптары ашық сабағы 3 сынып

Бекітемін:

Өзін-өзі тану сабағының жоспары

Мектеп: Б.Аманшин атындағы орта мектеп Күні: 6.04.2018ж № 27

Тақырып: «Туған жер ғажаптары».

Құндылық: сүйіспеншілік Қасиеттер: Мейірімділік, жауапкершілік, қамқорлық

Мұғалiм: Игалиева Айымгул Айдынгалиевна Сынып: 3 "а" Оқушылар саны: 18

Мақсаты:

Оқушылардың «Отан», «туған жер» құндылықтары туралы түсініктерін кеңейте отырып, сүйіспеншілік құндылығының мәнін ашу

Міндеттері:- Оқушыларды табиғатқа мейірімділікпен қарауға үйрету.- оқушылардың туған жерге қамқорлық жасай білу жауапкершіліктерін дамыту.- оқушыларды мейірімділікке, жауапкершілікке, қамқорлыққа тәрбиелеу.

Ресурстар:

оқулық, дәптер, ақ плакат, түрлі-түсті бояу, әуен, аяқталмаған сөйлемдер.

Сабақ барысы:

1. Ұйымдастыру кезеңі. 5 Т ережесін сақтау (тәртіп, талап, тыныштық, тазалық, татулық)

Тыныштық сәті. Жағымды күйге ену.

(Үнтаспадан баяу әуен естіліп тұрады).

«Нұрға бөлену»

Балалар ыңғайланып отырыңыздар, денелеріңізді түзу ұстаңыздар. Аяқ - қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін (баяу әуен ырғағымен).

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды, тілек қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ойша осы нұрды қолдарыңызға бағыттаңыз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі.

Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі Нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді.

Нұр көзімізге де жетті. Көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте - бірте қарқынды және шұғылана бастайды, сіздің денеңізден шығып, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын.

Осы Нұр бүкіл әлемге: барлық адамдарға, жан - жануарларға, өсімдіктерге, тірі жанға таралсын... Ғаламның барлық түкпір - түкпіріне нұр бағыттаңыз.

Ойша айтыңыз: «Мен Нұрлымын... Нұр менің ішімде...

Мен - Нұрмын»

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Ойша нұрға бөленгеннен кейін жайымен көзіңізді ашуға болады.

Рахмет!

- Балаларға сұрақтар қойылады.

1. Қазір қандай көңіл – күйде болып отырсыңдар?

2. Жүрегіңізде қандай сезім туды?

3. Нені елестете алдыңыз?

Оқушылар жауабы тыңдалады.

Сабақ барысын талқылау:

Үй тапсырмасын тексеру.

112-113 бет Мұрат Байділдаұлы «Ақ көгершін»

1.Бала көгершіннің жағдайына қарамастан неліктен оны алды деп ойлайсыңдар?

2.Көгершіннің әсем қалпына түсуіне қандай себеп болды?

3.Көгершін алғысын қалай білдірді?

4. Сендердің аң-құстарға жақсылық жасаған кездерің болды ма? Неліктен?