Туған жерге деген ыстық ықылас туралы шығарма

Туған жерге деген ыстық ықылас

« Өз елін сүймеген адам еш нәрсені де сүйе алмайды » - деген Байронның сөздерімен өз жұмысымды бастағым келіп отыр. Туған жер- екі сөздің ішінде қанша тарих, қандай ұлылық жатыр десеңші. Менің ойымша, өз туған жерін сүймейтін адам жоқ. Себебі, бұл елде ата-баба рухы мен ата-анаңның қаншама сіңірген еңбегі жатыр. Кіндік қаның тамып, балалық шағыңның бал дәмін сезінген әрбір күн туған өлкеңде өтсе, одан жылы мекен болады ма?

Менің туған жерім – Қазақстан. Және өзімнің қазақ болып туылғаныма мен мақтанамын. Өзімнің өткенім мен болашағымды туған жеріммен байланыстырамын. Дәл осы тұста, туған жерге деген ыстық махаббатқа дем беретін Қуандық Рахым ағамыздың «Мен қазақпын» әнінен үзінді ала кетейік.

«Қазақ болып тумағанда, не етер ем?

Бұл жалғаннан бақыт таппай өтер ем.

Желдей жүйрік жылқы мінбей жалғанда,

Аламанда ат оздырмай кетер ем...»

Шынында, мен туған жерім үшін барлығына дайынмын. Өзімді нағыз патриот Әлия Молдағұлова, Мәншүк Маметованың ұрпағы, ізбасары санағандықтан Отан үшін отқа да.суға да түсуге дайынмын. Себебі егемендігіміз бен босандығымыз үшін қанша ата-бабаларымыздың қаны қара жерге сіңді. Туған жеріміздің байлығы өлшеусіз. Қаншама жылдар бойы Ресей мен Жоңғарлардың көздеген мақсаты біздің жер болғаны жайдан жай емесі анық. Қазақстанның шырайлы жерлерінің мол болуы,топырақтың құнарлы болуы, табиғи кендердің, қазба байлықтарының мол болуы себеп болды. Ақындардың жырына арқау болған жер жәннаты-Жетісу менің туған өлкем. Ақ бас шыңдар басынан тастан-тасқа секіріп сарқырай аққан Басқан, Лепсі, Сарқан, Ақсу, Бүйен, Көксу және Қаратал сынды жеті өзендер, көз жанарындай мөлдіреген көлдер мен бау-бақшалы Жетсісу жері өзінің сұлу табиғатымен тартымды. Қасиетті Жетісу жерінің қойнауыда тарихқа тұнып тұр. Балалық шағымның әрбір уайымсыз өткен күндері мен білім нәрімен сусындатқан мектебім осы жерде.

«Менің өлкем мен үшін ең ардақты,

Бар жылуын, махаббатын сусындатты.

Менің жерім мен үшін қасиетті,

Бойыма күш-жігер нәр арттырды. » –дей келе өзімнің туған жеріме деген ыстық лебізім мен махаббатымды білдіргім келеді. Біздің қазақ сонау жылдардан бері ұрпаққа…