Туған өлкем Атырау туралы эссе шығарма

Мұқыр орта мектебінің 10 «ә» - сынып оқушысы Амангелді Лаураның «Туған өлкем – Атырау» тақырыбына жазған шығарма жұмысы.

“Туған өлкем – Атырау”

Атырау – арман қала,

Бағы бір жанған қала – деп, туған өлкемді әнге қосар едім. Туған өлкенің әрбір тасы адам баласына қымбат. Менің де туған өлкем – Атырауым өзіме қымбат. Әсем қала - Атыраудың сол кездердегі тарихына үңілетін болсақ, Атырау 1640 жылы қаланған. 1938 жылы қаңтар айының 15-інші жұлдызында Гурьев атымен құрылған. Атырау Жайық өзенінің жағасында орналасқандықтан, ең алғаш Яйцкий городок деп аталынды. Кейіннен Яик, Урал, аз уақыт Чапаев, Гурьев деген бірнеше аттарды иеленген. 1992 жылдан бері қазіргі өзіне тән Атырау есімін алып отыр. Атыраудың даму тарихында бірнеше қиындықтар болса да, оған тосқауыл бола біліп, жоғары деңгейде танылып отыр. Атырау – қазыналы өлке. Яғни, Қазақстандағы қара алтынның тең жартысы осы Атырау жерінен шығып отыр. Ұлы Отан соғысы жылдарында КСРО-ның мұнайлы аудандары жау қолында қалғандықтан, Атырау елімізді мұнаймен қамтамасыз ететін негізгі базаға айналды. Қазақстандағы ең алғашқы мұнай 1899 жылы облысымыздағы Қарашүңгіл деген жерден алынған. 1973 жылы Атыраудан Маңғыстау облысы бөлініп шықты.

Атырау бірнеше жылдан бері, жылына 1 трлн. теңгенің өнімін өндіретін санаулы донор облыстардың бірі. Сонау Ұлы Отан соғысы кездерінде Атыраудан 42 508 азамат ел қорғауға аттанды. Оның оралмағаны қаншама?! Ерекше ерлігімен аты танылып, Кеңес Одағының батыры атағын алған жерлестеріміз де аз емес. Айта кетсек, Қайырғали Смағұлов, Мұса Баймұханов, Боран Нысанбаев, Мұхат Мұсаев, Александр Афанасьев, Иван Махорин, Георгий Канцев, Филип Мазуров, Иван Березин секілді батырларымыз елімізді жаудан азат етіп, Кеңес Одағының батыры атағын иеленді. Атыраудан шыққан “Даңқ орденінің толық иегерлері” атағын алған Шүкір Еркінов, Ғизат Әліпов, Гаврил Шамин, Евгений Полынинді де мақтана айтуға болады. Атыраулық “Халық қаһарманы” атанған ұшқыш қыз – Хиуаз Доспанованы қазақ халқы еш ұмытпастай жадында сақтаған. Атырау 1885 жылы қала мәртебесін алғалы өз дәрежесінде көрініп келеді деп ойлаймын. 84 ұлт өкілі тұратын Атырауымның тәуелсіз елде орналасқанына…