Туған жерім – Атырау ашық сабағы

Туған жерім –Атырау

Мақсаты:Балаларға Атырау қаласы туралы түсінік беру.Атырау қаласының ерекшеліктерімен таныстыру.Атырау қаласындағы мәдени орындарды естеріне сақтау қабілеттерін қалыптастыру.Туған өлкеге,елге,Отанға,еңбек адамдарына деген сүйіспеншілікке тәрбиелеу.

Көрнекі құралдар:Атырау суреттеріне бейнебаян.

Әдіс-тәсілдері:Сұрақ-жауап,әңгіме,түсіндіру....

Оқу қызметінің жүру барысы:

Шаттық шеңбері:

Қуан,шаттан,алақай!

Қуанатын келді күн.

Күліп шықты күн бүгін

Қайырлы таң!

Қайырлы күн!

Тәрбиеші:Балалар біз қай мемлекетте өмір сүреміз?

Балалар:Қазақстан Республикасы.

Тәрбиеші:Өте жақсы,ал біздің еліміздің елордасы қай қала?

Балалар:Астана қаласы.

Тәрбиеші:Біз қай қалада тұрамыз?

Балалар:Атырау қаласында

Атырау Қазақстанның батыс бөлігінде орналасқан.1992жылға дейін Гурьев облысы болып аталды.Кейін 1992жылы Атырау есімі берілді.Климаты жағынан жазы ыстық,қысы суық болып келеді.Атырау қаласы өзінің байлығымен ерекшеленеді.Топырағы өте құнарлы.

Енді Атырау қаласы жайлы тереңірек мағлұмат алу үшін экранға назар аударайық(бейнебаянға қарау)

Атырау қаласы Жайық өзенінің жағасында орналасқан көркі көз тойдырарлық,әдемі ғимараттары мен мәдени ошақтары көп қала.Солардың бірі Махамбет,Исатай ескерткіші.Махамбет Өтемісұлы атындағы қазақ драма театры.Бұл драма театрда түрлі мерекелік кештер,ойын-сауықтар болады.

Ал мынау Иманғали Тасмағанбетов атындағы «Иманғали»мешіті.Мешіт алланың үйі,Мұнда адамдар аллаға тағзым ету үшін келеді.Мынау облыстық әкімшілік.Сонымен қатар біздің қаламызда сауда үйлері мен қонақ үйлер орналасқан.Атырау қаласының әуежайы.Бұл әуежайға ұшақтар қонады.Адамдар басқа қалаларға тез жету үшін ұшақтарға отырады.Ендеше осындай көрікті қаламыз туралы жаттаған тақпақтарымызға кезек берейік.

Нұрғаным

Алтай,Арқа,Атырау

Жетісудай өңірді,

Жайлап жатқан осынау

Қазақ елі көңілді.

Іңкәр:

Торғынды құт дарыған топырағын,

Бал бармақ баданалы жапырағың.

Ежелден ата қоныс шұрайлы жер

Төрт түлік малға толы атырабың.

Ән:»Тәуелсіз ел ұланы»

Жарайсыңдар!Ендеше әрі қарай қаламыздың көрікті жерлеріне назар аударсақ.Көріп тұрғандарың Атырау қаласында орналасқан көпір.Балалар біздің қаламыз байлыққа толы Жайық пен Каспий теңізінен ауланатын балықтарды өзге елдерге экспорттайды.Мынау балықтан алынатын қара уылдырық.

Атырау облысы қара алтынның астанасы деп те аталады.Біздегі мұнайдан өзге елдер жанармай жасап шығарады.

Атырау жері ақын-жазушылармен де мақтана алады.Күйші де әнші де,осы жерде дүниеге келген.Мынау ақын апайымыз Фариза Оңғарсынова.Ол туған жері туралы көптеген өлеңдер жазған.

Мынау күйшілеріміз Дина Нүрпейісова мен Құрмағазы Сағырбайұлы.