Туған жерім Қазақстан ашық сабағы мектепке дейінгі топқа

"Бөпежан"балалар бақшасы

Бекітемін:

«Бөпежан» балалар бақшасының

меңгерушісі -------------

Д.Ж.Мусканова.

«Туған жерім – Қазақстан»

Ортаңғы «Гүлдер» тобы.

Тәрбиеші : Уразали С.М.

2018-2019 оқу жылы

«Гүлдер» орта тобындағы ұйымдастырылған оқу қызметінің конспектісі

Өткізу күні: 14.12.2018ж

Тәрбиеші: Уразали С.М.

Білім беру саласы: Коммуникация

Пән: Сөйлеуді дамыту

Өтпелі тақырып: «Жайнай бер, Қазақстан!»

Тақырыбы: «Туған жерім- Қазақстан»

Мақсаты: Білімділігі: Балалардың бойында Қазақстанның өткені мен бүгінгі өмірін салыстыра отырып, өз еліміздің даму тарихы туралы танымдарын қалыптастыру. Ұлттық сана сезімін, саяси сауаттылығын ояту. Тәуелсіздік күні туралы терең мағлұмат беру. Тәуелсіздік үшін күрескен, желтоқсан құрбандарын еске түсіріп, желтоқсан құрбандарының ерлігі жайында түсіндіру.

Тәрбиелігі: Қазақстанның болашақ дамуына өзіндік үлес қосатын жеке тұлға екендерін ұғындыру. Қоғамның бір мүшесі ретінде адам өмірі мен жақсы тұрмыстық құндылықтарын ұғындыру, жауапкершілік сезімдерін ояту. Оқушыларға патриоттық тәрбие беру, Отанды сүюге және ерлікке баулу. Желтоқсан оқиғасында ел қамын жеген ерлерді үлгі тұту, өнеге алуға және халқының тарихын білуге үйрету, достыққа, ұйымшылдыққа тәрбиелеу.

Дамытушылығы: балалардың өткен тарихқа деген қызығушылығын ояту.

Педагогикалық технологиялар : (акт ) Слайд,түсіндіру, көрсету, сұрақ-жауап

Ресурстармен қамтамасыз ету: Қазақстан Республикасының мемлекеттік рәміздері: Туы, Елтаңбасы, Әнұраны, Н.Ә. Назарбаевтың портреті, слайд, желтоқсан құрбандарының суреті. Жалауша

Ұйымдастырылған оқу қызметінің барысы:

1.Ұйымдастырушылық кезеңі

Балалар, біздің бүгінгі оқу қызметіміз ерекше, өйткені бізге тәуелсіз ел болуымыз үшін өздерін құрбан еткен апа – ағаларымыз туралы болмақ.

Бәрі тік тұрып Әнұранды тыңдайды.

Отырыңыздар балаларым.

Тәрбиеші: Қазір жылдың қай мезгілі?

Балалар: Қыс.

Тәрбиеші: Дұрыс, қыс. Қыс айларын ата өтейік.

Балалар: Желтоқсан, қаңтар, ақпан. Қыс бізде 3 ай қонақта болады.

Тәрбиеші: Балалар қыстың қай айында, «Президент күні» мен «Тәуелсіздік күні» және Жаңа жыл мерекесі болады?

Балалар: Желтоқсан

Тәрбиеші: Кім айтады біздің еліміз қалай аталады және қандай ел?

Балалар: Қазқақстан Республикасы. Тәуелсіз ел.

Тәрбиеші: балалар біз қалай тәуелсіз елміз?

Балалар: өзіміздің валютамыз, ту, елтаңба, әнұранымыз бар.

Тәрбиеші: Дұрыс айтасыздар.

Негізгі бөлім: Балалар, ерте кезде біздің елімізді хандар, сұлтандар, билер басқарған. Біздің еліміз Ресеймен бірге болған, елімізді Ресейдің Президенті басқарған. Ал, қазігі таңда өзіміздің Президентіміз басқарады. Балалар сендер, білесіңдер ме, елбасымыз кім? Қашаннан бастап ел басқаратынын білесіздер ме?

Балалар: Нұрсұлтан Әбішұлы Назарбаев. 1991 жылы 1 желтоқсаннан бастап.

Тәрбиеші: Дұрыс айтасыңдар. Біздің Президентіміз, яғни Елбасымыз Нұрсұлтан Әбішұлы Назарбаев еліміздің тұңғыш президенті болып 1991 жылы 1 желтоқсанда сайланды.

Мен казір сендерге Желтоқсан оқиғасы туралы қысқаша айтып беремін.

1986 жылы Желтоқсан оқиғасында Ербол Сыпатаев, Қайрат Рысқұлбеков, Ләззат Асанова, Сабира Мұғаметжанова тағы басқа жап-жас аға-апаларымыз құрбан болды. Содан бері 32 жыл өтсе де бұл азаматтарды ұмытпай әр жыл сайын басымызды иіп, еске аламыз. Осындай апа – ағаларымыздың арқасында бақытты ғұмыр кешіп жатырмыз.