Түймеқызбен кездесу ертегісі бойынша ертегі терапиясы

Тақырыбы :«Түймеқызбен кездесу» ертегісінің желісімен жасалған ертегі терапиясы

Шаттық шеңбері :Балалар айтыңдаршы көктем мезгілінде алғаш болып шығатын гүлді білесіңдер ма?

Ендеше, біз қызғалдақ гүлдерін жинап, бір-бірімізге сыйлай отырып жақсы тілектер айтуымыз керек.

Жаттығу .Балалар, «ертегілер әлеміне» саяхатқа барғыларың келеді ме?

Бірақ алдымен қай ертегі екенін тауып көріңдер. Бұл ертегіде өте кішкентай қыз туралы айтылады.

Дұрыс, ертегіміздің аты – «Түймеқыз» деп аталады. Онда, балалар, «Ертегі әлеміне» саяхатқа кеттік.

Мінекей бұл гүл! Бұл гүлде біздің кішкентай Түймеқыз үнемі отырады (қолдарымен, саусақтарымен гүлді елестете қолмен көрсету).

Гүлді саусақтарыңмен қиялдай отырып көрсетіңдер. Енді қолдарымызбен гүлдің ашылып, жабылатынын көрсетейікші. Гүлді иіскеп көрейік. Қандай керемет иіс! Түймеқыздың қандай кішкентай екенін білеміз. Ал, енді бәріміз ол қаншалықты кішкентай екенін саусағымызбен көрсетейікші.

Балалар, Түймеқыз ертегісін баяндамас бұрын, мен сендердің қаншалықты мұқият екендіктеріңді білгім келеді. Шеңбер бойымен тұра қалайық (оңға бұрылып тұрамыз). Мына айтқандарымды мұқият тыңдаңдар!

Сендерге: «Айдахар» дегенде – қолдарыңды жоғары көтеріп, аяқтың ұшымен шеңбер бойымен жәймен жүресіңдер.

«Түймеқыз» дегенде – отырып үйрек, қаз сияқты жүресіңдер.

«Баспалдақ» дегенде – қолдарыңды иықтарыңның үстіне қойып, жай ғана жүгіресіңдер.

Балалар сендердің тапсырманы қаншалықты мұқият орындағандарыңды тексергенше, біз ертегідегі ғажайып бақшаның да қасына келіп қалыппыз. Онда мен ертегіні баяндап берейін.

Гимнастика.Балалар тыңдаңдаршы, дыбысын естіп тұрсыңдар ма? Олар біз жаққа келе жатқан сияқты. Қанекей балалар, гүлдердің қалқаларына тығылайықшы. (орындықтардың астына)

Ақырындап оңға қарап көрейік. Ешкім жоқ па екен? Енді, солға қарап көрейік, жоғары ағаштардың арасын, төмен шөптердің арасын.Балалар, тағы да бір сыбдырлар естіліп жатқан сияқты, тығылыңдар. Тағы да қарап көрейікші, кім екен бізді қорқытқан, а?

Босаңсу. Балалар, қорықпаңдар, бұл жерде ешкім жоқ екен. Ол жаңағы өсіп шыққан әдемі гүлдің күлтелері екен ғой ашылып жатқан. Ал, балалар, мойнымызды босаңсытайық. Бастарыңды, иықтарыңды тербелтіңдер. Мойнымыз жіп сияқты, ал басымыз доп сияқты басымызды салбыратамыз. Кім қорқытқанын қараймыз деп әбден мойнымыз ауырып қалыпты ғой, балалар!

(Бақаның дауысы шығады) Ква-ква, ква-ква! Кім бұл? Иә. Бұл бақа ғой секіріп жүрген. Ол өзінің кішкентай көлшігіне біздің Түймеқызымызды алып кетпекші, балалар! Бәріміз бақа сияқты секірейік те, Түймеқызға көмекке келейік. Әнекей мынау бізден Түймеқызды ұрлап кеткен бақа ғой. Ол…