Тұңғыш президент және менің Отаным туралы шығарма

Ақтау қаласы «№3 жалпы білім беру орта мектебі» КММ

математика пәні мұғалімі

Кощанова Миригуль Ережеповна

«Тұңғыш Президент және менің Отаным» атты шығармасы

«Тұңғыш Президент және менің Отаным»

«…Уақыт қарқыны зымыран. Күні кеше өткен сияқты уақиғалар бүгінде тарих беттеріне айналып та үлгірді. Бұл жаңа мемлекет пен жаңа қоғамның дүниеге келуінің азапты толғаққа толы, сонымен бірге ғаламат сәті еді. Сол сәт әлі аяқталған жоқ, бірақ ең қиын белестерден аса білдік. Ең қиын жылдар дәл қазір артымызда қалды, сондықтан да мен еліміздің еңсесі биіктей беретініне сенемін.» (Н.Ә.Назарбаев)

Бір мың тоғыз жүз тоқсан бірінші жыл, 16 желтоқсанның ызғарлы желі тәуелсіздік үшін күрескен жастарымыздың құлағында мәңгі сақталды десем артық айтқаным емес. Сол сәт күні кеше орын алғандай біздің санамызда мәңгі қалары анық. Президентіміз айтып өткендей, сол сұрапыл кездер артта қалды. Елімізді жарқын болашақ күтіп тұр. Тәуелсіз ел болып аяқ басуымызға өз септігін тигізген «Мәңгілік ел» басшысы, Тұңғыш Президентіміз - Нұрсұлтан Әбішұлы Назарбаев. Басшымыздың көреген саясатының арқасында «Алынбайтын асу жоқ» дегендей, биік белестерді бағындырдырып бүгінде Қазақстан тарих сахнасында ойып тұрып орын алып отыр. Әрине, бұл ең әуелі Тұңғыш Президентіміздің бастамасымен жүзеге асуда. Тәуелсіздік алған уақыттан бастап дәл бүгінгі күнге дейінгі аралықта Президентіміз Қазақстанды халықаралық аренада жаңа деңгейге көтерді. Ең әуелі бұл Қазақтан Республикасында 1991 жылғы 1 желтоқсанда өткен Тұңғыш Президент сайлауымен тығыз байланысты. Осы кезде, бірінші рет өткен жалпыхалықтық сайлауда Қазақстанның негізін салушы - Нұрсұлтан Әбішұлы Назарбаев Тұңғыш Президент болып сайланды. Сол сәттен бастап елінің ертеңін ойлап, болашақ ұрпақ қамы үшін аянбай еңбек етіп келуде. «Еңбегіне қарай — құрмет,

Республика Президентінің жетекшілігімен ауқымды саяси, экономикалық, әлеуметтік реформалар жүзеге асырылуда. Солардың бірі 1999 жылы шыққан - «Тарих толқынында» атты еңбегі. Елбасы Н.Ә. Назарбаев өзінің «Тарих толқынында» атты еңбегінде былай деп айтқан болатын: «Тарихтың алға қойып отырған өктем талабы әрбір түрік еліне әртүрлі салада саяси, экономикалық, мәдени және гуманитарлық тәсілдермен бірігу проблемасын шешудің бәріне бірдей тең институттық тетіктерін жаппай-тұрмай іздестіруді міндеттейді», — дей отырып, түрік мемлекеттері интеграциясының тиімді жолдарын іздеу қажеттілігін көрсетті. «Тарих толқынында» кітабы жарыққа шыққаннан кейін халықтың дүниетанымы айтарлықтай жоғарылады деуге болады.

«Қазір бой жарыстырар заман емес, ой жарыстырар заман»,- дейді кемеңгер басшымыз. Мен бұл оймен толықтай келісемін. Еліміздің шарықтап дамуы үшін, әлемге әйгілі болуы үшін, «Заманауи әлемде елдің қуаты ең алдымен азаматтарының білімімен өлшенеді»,- деп Президентіміз айтқандай ,ең әуелі халқымыз сауатты, саналы болу керек. Осы тұста басшымыз жаңа стратегия, жаңа жаңғыру қабылдады. Ол 2012 жылы қабылданған- «Қазақстан-2050» Стратегиясы. Елбасымыздың осы Стратегиясы әлемдік қиындықтарды болжап қана қоймай, ықтимал өзгерістерден де мемлекет үшін мүмкіндіктерді қарастырады. Дәл мұндай мүмкіндік Елбасының Жолдауында айтылған Үшінші жаңғырту жөніндегі міндет аясында көрініс беріп отыр. Әсіресе бұл жаңғыруда маған ұнағаны Бірінші басымдық - экономиканы жеделдетілген технологиялық жаңғырту. «Елде 3D-принтинг, онлайн-сауда, мобильді банкинг, цифрлық қызмет көрсету секілді денсаулық сақтау, білім беру ісінде қолданылатын және басқа да перспективалы салаларды дамыту керек. Бұл индустриялар қазірдің өзінде дамыған елдердің экономикаларының құрылымын өзгертіп, дәстүрлі салаларға жаңа сапа дарытты. Осыған орай, Үкіметке «Цифрлық Қазақстан» жеке бағдарламасын әзірлеуді және қабылдауды тапсырамын»,