Тұрақты даму мүддесіндегі заманауи білім беру мақаласы

Қарағанды облысы, Теміртау қаласының №8 жалпы білім беретін орта мектебі КММ

География пәні мұғалімі Сапарбаева Б.А.

ТҰРАҚТЫ ДАМУ МҮДДЕСІНДЕГІ ЗАМАНАУИ БІЛІМ БЕРУ ЖҮЙЕСІ

Жаңартылған білім мазмұнына сәйкес заманауи бiлiм беру жүйесi – бұл көп деңгейлiлiгiмен, iзгiлiктiлiгiмен, көпсатылығымен және ашықтығымен ерекшеленетiн динамикалық даму жүйесi. Сонымен бірге ақпараттық-коммуникациялық технология саласында білімді жетілдіру, кәсіби шеберліктерді ұштау арқылы ақпараттық мәдениеттi қалыптастырумен қатар жүргізіледі. Әрбір мұғалімнің өздiгiнен бiлiм алуына және өзiн-өзi дамытуына жағдай жасау арқылы бiлiм сапасын көтеру негiзгi шарттардың бiрi болып отыр.

Мұғалімдердің заманауи білім беру жүйесіндегі даму бағыттары:

• көптеген оқыту стратегиялары, түрлі педагогикалық тәсілдерді араластырып қолдану мүмкіндіктері, сондай-ақ нақты әдістер мен тәсілдерді қалай және қай жағдайда қолдану қажеттігі туралы білім қажет болады.

• сабақ үдерісінде пайдаланатын тәсілдер жалпы алғанда, бүкіл сыныпты оқыту мәселелері, сонымен қатар жүргізілетін зерттеулердің бағытына, топтық жұмыстарға, өздік жұмыстарға және жеке жүргізілетін зерттеулерге қатысты жасалған. Оның үстіне оқыту тәсілдері әрбір оқушымен болатын жеке кері байланысты да естен шығармау қажет.

• жалпы білім алу үдерісі қалай жүретіні туралы, жекелеген оқушылар ды оқуға ынталандыру, олардың көңіл-күйлері, толғаныстары туралы және олардың мектептен тыс өмірі туралы барынша ауқымды мағлұмат болуға тиіс.

Мұғалімдер ақпараттық-коммуникациялық технологиялар саласында дағдыларды игеріп, оқытудың тиімді құралы ретінде оларды қалай пайдалану әдістемелерін меңгеруі, сондай-ақ, оқу үдерісін бақылауда ақпараттық басқару жүйелерін тиімді қолдана білуі қажет.

Жоғарыда аталған бағыттарды басшылыққа ала отырып, сабақтарымның барысын «7 модуль» идеясына негіздеп, оның тәрбиелік мақсатын «Мәңгілік ел» бағдарламасының құндылықтарына бағыттап отырамын.

Сабақтарда қолданатын оқыту мен оқудағы жаңаша әдіс-тәсілдері болатын «Ойлан, жұптас, бөліс», «Аялдама», «ЖИГСО» статегиялары сабаққа қойылатын SMART мақсаттардың орындалуының алғышарты болып табылады.

Сабақ барысында жұптық, үштік және топтық жұмыстарды орындау барысында оқушылардың өзара «оқушы–оқушы» диалогы, өз жауаптарын айту, дәлелдеу барысында «оқушы–мұғалім» қатынасының қалыптасуына ықпал етеді. Сабақ барысындағы «Венн диаграммасы», «Т кестесі», «Уәкіл», «Баспалдақ», «Ромб» сияқты сыни тұрғыдан ойлау әдістері оқушылардың бақылау, тәжірибе, толғану және пайымдау нәтижесінде алынған ақпаратты ұғыну, талдау және синтездеуге немесе жинақтау, бағалау…