Тұрмыстық заттардан фитодизайн композициясын жасау, 6 сынып

Қызылорда облысы

Қармақшы аудандық оқушылар үйі

«Фитодизайн» үйірмесінің жетекшісі

Зұлпыхарова Майра Нұралханқызы

Сабақтың тақырыбы: Тұрмыстық заттардан үйлесімді фитодизайндық композиция жасау.

Сабақтың мақсаты:

1.Білімділігі: Табиғи және табиғиға ұқсас заттарды сәндеу, өсімдіктерден үйлесімділік композиция жасау, бөлме немесе сынып ішін безендіру жолдарын түсіндіре отырып қиял- ғажайып туынды құрастыруға үйрету арқылы білімін кеңейту;

2.Дамытушылығы: Оқушыларды талдау, синтездеу , салыстыру, қорытындылау және ойлау қабілеттерін дамыту;

3.Тәрбиелігі: Табиғатты қорғауға , өсімдіктер әлемін бағалауға және бөлме өсімдіктерін дұрыс өсуіне жағдай жасау , күтіп-баптауға үйрету , эстетикалық және экологиялық мәдениетке тәрбиелеу .

Сабақтың түрі:Аралас сабақ Сабақтың типі: Жаңа білімді меңгерту Сабақтың әдісі: көрсету, түсіндіру, «бағдаршам», «жетістік сатысы», «Синквейн» немесе « 5 жолды өлең» әдісі

Көрнекілігі: Бөлме өсімдіктері, интер белсенді тақта , слайдтар ,суреттер ,стикерлер, таратпалар.

Пәнаралық байланыс:Экология, ботаника, бейнелеу, география .

Сабақтың барысы:

І.Ұйымдастыру кезеңі:

А)Оқушылармен сәлемдесу,түгендеу

Ә)Оқушылардың сабаққа қажетті құрал- жабдықтарын түгендеу

Б)Назарын сабаққа аудару

Психологиялық дайындық.

• Көңіл- күйлеріңіз қалай?

• Сабақ бастауға дайынсыздар ма?

ІІ. Үй тапсырмасын тексеру. Гүл қималарын таңдау арқылы оқушыларды екі топқа бөліп отырғызу.

Сурет жұмбақ арқылы үй тапсырмасын сұрау.Өткен сабақта біз жемістерден композиция жасауды үйренген болатынбыз.Сол жемістерге байланысты сурет жұмбақты шешіп көрейік.

«Кім шапшаң?» сурет жұмбақ шешу

Жауабы:

1.Жүзім 5.Қарбыз

2.Қызынақ 6 .Пияз

3.Ананас 7.Құлпынай

4.Шабдалы 8.Мандарин

ІІІ. Жаңа сабақты түсіндіру.

Жаңа сабақты бастамас бұрын бәріміз бірге бейнебаянды көріп алайық.

Бүгінгі жаңа сабағымыздың тақырыбы :Тұрмыстық заттардан үйлесімді фитодизайындық композиция жасау.Тұрмыстық заттарды бәріміз білеміз ол кез-келген ағаш зат , шыны зат, пластикалық зат немесе қағаз түрлі зат болуы мүмкін.

Ал, фитодизайндық композиция дегеніміз не ? Кім қалай түсінеді.

Дизайн – көркемсурет және сәулет өнерінің өнеркәсіп бұйымдарының ең үздік үлгілерін жасау және заттық ортаны үйлестіру шараларын қамтитын бағытының атауы. Дизайн қызметінің ерекшелігі – әсем әрі көркем жасалған тұтыну заттары мен бұйымдардың қоршаған ортаға лайық үйлесімін жүзеге асырып, ұдайы олардың жаңа үлгілерін ойлап табу.Дизайн тарихы ХХ ғасырдың басында басталды. Сондықтан оның тарихы өте қысқа. Дизайн өнері адамдардың әдемілікке, қолайлылыққа ұмтылуларынан шыққан. Ал жақсы өмір сүруге адамзат пайда болғаннан бері ұмтылып келеді. Сол себепті дизайн өнері ХХ ғасырда басталғанымен, оның тарихын өте ертеден іздеу керек. ХХ ғасыр техника мен ғылымның өркендеп даму ғасыры болды.

Ғылым мен техниканың дамуы дизайн өнерін де дамытты.Алғашқы дизайнер мамандарды даярлайтын жоғары мектеп 1919 жылы Германияда ашылды. Ол «Баухауз» деп аталды. Бұл мектепте сәулет өнері, сурет өнері шеберлері сабақ берді. Ғылыми тұрғыда дизайнның пайда болуы 1928 жыл, ал оның отаны АҚШ болып есептеледі. Онда осы уақытта бірнеше дизайнер фирмалары құрылды.Ресейде жоғары көркем - техникалық шеберханалар 1920 жылдардан бастап құрылды. Алғашқысы Мәскеудегі мемлекеттік жоғары көркем - техникалық шеберхана болды. Кейіннен осы шеберхана институт болып қайта құрылды. Дизайн өнері ерминдік атауы жаңа болғанымен, оның негізі ерте замандарда-ақ қалыптасқан. Мысалы, қазақ халқының қолөнер бұйымдарының (қобыз, домбыра, сандық, ожау, торсық, қару-жарақтар, сәндік әшекейлі бұйымдар, т.б.) қайталанбас түрлері этнодизайндық үлгіде жасалған. Безендіру өнерінде де дизайнның әдіс-тәсілдері мен тәжірибесі кең қолданылады. Дизайн өнері заман талабына орай үнемі өзгеріп, дамып отырады. ТМД елдерінде, соның ішінде Қазақстанда дизайн өнері 1960 жылдан бастап жүйелі түрде қалыптасып, дами бастады 1987 ж. Қазақстан Дизайнерлер одағы құрылды. Дизайн өнері қазіргі өскелең тұрмыстық жағдайлар мен талап-сұраныста

Дизайн бірнеше түрге бөлінеді. Олар:- көлік құралдарын жобалау (көлік ұшақтары, су кемелері, автомобильдер, т. б.)- тұрмыс бұйымдарын; электр аспаптарын, ыдыс, жиһаз, киімді, т. б. жобалау,- интерьер және экстерьер дизайн; Интерьер —…