Тыйым сөздер туралы тәрбие сағаты 4 сынып

Мектеп : Ұйғыр ауданының білім бөлімінің Ж.Құдайбергенов атындағы орта мектебі

Сынып сағаты

Сыныбы: 4 сынып

Тақырыбы: Тыйым сөздер

МАҚСАТЫ: Оқушыларды қазақ халқының ырым - тыйымдары арқылы адамгершілік құндылықтарды анықтау , тәрбиенің көзі ретінде пайдалану , ұлағатты ұлы сөздерді қазіргі жастарымыздың санасына жеткізу . Қазақ халқының ырым - тыйым сөздерін сақтап, қайрымдылыққа, әдептілікке, сыйластыққа, достарын сыйлауға тәрбиелеу .

Сабақтың түрі : Жаңа сабақты меңгерту сабағы . Сабақтың әдіс - тәсілдері : Сұрақ - жауап , талдау , жаттығу жұмыстары . Сабақтың көрнекілігі : кітап , үлестірме парақша , суреттер .

І. Ұйымдастыру 1. Оқушылармен сәлемдесу . 2. Оқушылардың сабаққа қатысын тексеру . 3. Оқушылардың зейіндерін сабаққа аудару . Миға шабуыл : Сабақтың тақырыбын оқушылардың өздері ашуға мүмкіндік жасау . « Гүл шоқтары » әдісі арқылы тыйым сөздердің түрлерін анықтау , ажырату .

БАСЫ

Қазақтың ырым - тыйымдары туралы мәлімет айту . Қазақ халқымен ғасырлар бойы жасасып келе жатқан ырым - тыйымдар жүйесі халқымыздың өмірінде , салт - санасында , әдет - ғұрпында , тұрмыс - тіршілігінде кеңінен көрініс тапқаны белгілі . Ырым - тыйым арқылы бала тәрбиелеу , жат әдеттерден тыю , туындауы мүмкін қауіп - қатерлерді ескерту және т. б. нәрселер ұлтымыздың рухани кеңістігінде әлі күнге дейін сақталып келе жатқан тарихи , этномәдени , әлеуметтік мәні терең дүние . Кейбір ырым - тыйымдар бағзы замандардағы шамандық , тәңірлік наным - се - німдердің сипаты , белгісі ретінде де көрініс беріп жатады . Қалай дегенмен , ырым - тыйымдарды халқымыздың ұлттық болмысынан бөле - жара қарауға болмайды . Ырым - тыйымдардан халқымыздың әдет - ғұрпы , наным - сенімін ғана біліп қоймай , бойымызға тәлім - тәрбие сіңіреміз .

Тыйым сөздер мазмұны мен мақсатына қарай тұрмыстық - шаруашылық, еңбек, мәдени - гигиена, экологиялық тәрбие, әдеп мәдениетіне тәрбиелейді.