ҰБТ алдындағы оқушыларға қолдау туралы мақала

ҰБТ алдындағы қысым — оқушыларға шынайы қолдау керек

Мен – 11-сынып оқушысымын. Қазір мен сияқты мыңдаған түлек өмірінің ең күрделі, әрі шешуші белесіне табан тіреп тұр — Ұлттық бірыңғай тестілеу. Бұл тек білімнің емес, жігердің, жүректің, жүйкенің шынайы сыналатын сәті. Бұл кезең — оқушының ең көп тер төгетін, ең көп арман мен үрейді қатар арқалайтын шағы. Бірақ осы ауыр сәтте бізге сынай қарау емес, сүйеп жүру керек. ҰБТ-ға дайындық барысында біз тек формулалар мен даталарды емес, өз қорқынышымызбен күресуді де үйреніп жатырмыз. Әр тест – кеудеміздегі қобалжуды, болашақ алдындағы белгісіздікті еселеп арттырады. Ал айналадан: «Грант алуың міндет», «Біз сенен көп үміт күтеміз», «Басқалардан кем болма»деген қысым сөздер естігенде, шабыт емес, салмақ басады. Кейде бізге түсіністік танытудың орнына, табалдырықтан аттамай жатып талаптың тас қамалы қарсы тұрады. Оқушыға «не себепті оқығың келеді?» деп емес, «не себепті озуың керек?» деген сұрақ қойылады. Осыдан кейін кейбіріміз болашаққа деген сеніммен емес, сәтсіздікке ұшырасам елге ұят болар ма екен деген үреймен күн кешеміз. ҰБТ алдындағы кезең — көрінбейтін майдан. Бұл – ата-ананың үміті мен өз арманыңның арасындағы күрес. Бұл – тыныш ұйқыдан айырылып, кітапқа үңіліп отырған шақтағы ж

Улухманова Ақжан Бақытжанқызы

11-сынып оқушысы

Жамбыл облысы, Тұрар Рысқұлов ауданы, Құлан ауылы

Әлихан Бөкейханов атындағы орта мектеп