ҰБТ өмірдің соңы емес тақырыбындағы мақала

ҰБТ – өмірдің соңы емес

Бүгінде мектеп оқушылары мен олардың ата-аналары үшін ең өзекті тақырыптардың бірі – мамандық таңдау және ҰБТ-ға дайындық. Санжар Асфендияров атындағы Қазақ Ұлттық Медицина Университетінің “Стоматология” факультетінің 3-курс студенті Гауһар Рысқұлбек те бұл кезеңнен өткен. Ол өзінің тәжірибесімен бөлісіп, болашақ түлектерге пайдалы кеңестер берді.

Мамандық таңдау: жүрек қалауы мен өмірлік қажеттілік

– Сіз өз мамандығыңызды қашан таңдадыңыз және қандай негіздерге сүйендіңіз?

– Мен мамандығымды 11-сыныпта таңдадым. Бұл мен үшін өте маңызды шешім болды. Біріншіден, болашақта таңдалған мамандықтың сұранысқа ие болуына назар аудардым. Себебі, бұл сіздің табысыңызға және жеке дамуыңызға тікелей әсер етеді. Бірақ ең бастысы – мамандықтың өзіңізге ұнауы және шынайы қызығушылығыңыздың болуы.

– Мамандық таңдауда сізге кімнің ықпалы көп болды?

– Бұл – менің жеке шешімім. Ата-анам қарсы болса да, маған ешкімнің пікірі маңызды болған жоқ. Сондықтан бұл жүрек қалауымен жасалған таңдау болды.

ҰБТ – қиындық емес, мүмкіндік

– Енді ҰБТ-ға дайындық туралы айта кетсеңіз. Бұл сынаққа қалай дайындалдыңыз?

– ҰБТ – мектепті бітіруші кез келген оқушы үшін маңызды сынақ. Бірақ оны үлкен бір қиындық ретінде қабылдаудың қажеті жоқ. Мен дайындықты 11-сыныптың басында бастадым. Ең алдымен, күнделікті жоспар құрып, уақытты дұрыс бөлуді үйрендім. Әр пән бойынша өзімді қызықтырған тақырыптарды тереңірек зерттедім.

– ҰБТ-ға дайындық кезінде қандай әдістер сізге көмектесті?

– Менің басты әдісім – тұрақтылық және жүйелілік. Күн сайын белгілі бір уақытты сабаққа арнап отырдым. Сонымен қатар, қосымша материалдарды, видеосабақтарды және дайындық кітаптарын пайдаландым.

– Егер ҰБТ-дан қажетті баллды жинай алмасаңыз не істеу керек?

– ҰБТ – өмірдің соңы емес. Егер бірден жоғары балл жинай алмасаңыз, бұл сіздің болашағыңыздың бұлыңғыр екенін білдірмейді. Мысалы, мен өзім грантқа қажетті баллды жинай алмадым, бірақ ата-анамның қолдауымен ақылы оқуға түстім. Егер ақылы оқуға мүмкіндік болмаса, елімізде қайта тапсыру немесе басқа білім гранттарына қатысу мүмкіндіктері бар. Ең бастысы – үмітті үзбеу және алға қарай ұмтылу.

Болашақ түлектерге кеңес