Үй жануарлары тақырыбында мектепке дейінгі ашық сабақ

Тақырыбы: Үй жануарлары(сиыр,түйе,жылқы,қой,ешкі)

Білім саласының мазмұны: «Қатынас», «Шығармашылық»

Білім бөлімдері: Сөйлеуді дамыту.

Мақсаты: Үй жануарлары туралы түсінік беру, үй жануарларының төлдерінің атын атай білуді үйрету.Үй жануарларының аттарын, олардың беретін пайдасы туралы білімдерін бекіту. Үй жануарларына қамқорлықпен қарауға тәрбиелеу.

Сөздік қорын молайту, тілдің белсенділік қызметін арттыру.

Көрнекіліктері: үлгі суреттер, жайлаудың көрінісі, қазақ үй, интерактивтік тақта.

1.Сәлемдесу: Балалар, бүгін бізге көп қонақтар келіпті, қашанда қонағын сыйлайтын халықпыз. Сондықтан бірінші қонақтарымызбен жақсылап амандасып алайық.

Балалар: Сәлеметсіздерме апайлар!

үлкенгеде СІЗ,

кішігеде СІЗ,

Құрметпенен сіздерге

Бас иеміз біз.

Тәрбиеші: Балалар, бүгінгі біздің ашық оқу-іс әрекетіміздің тақырыбы «Үй жануарлары».

Жұмбақ жасыру: Кезікті бір жануар,үстінде екі тауы бар. Ол не? Түйе.

Кішкентай ғана бойы бар, айналдырып киген тоны бар. Ол не? Қой.

Есікті біреу қағады. Балалар, біздің есігімізді біреу қағып тұр. Қане көрейікші кім келгенін? Топқа әжей кіріді.

Әжей: Сәлеметсіздерме құрметті қонақтар, балалар. Мен осы топтағы бір баланың әжесі едім. Өзі қайда екен? Е, міне, міне менің ботам.

Тәрбиеші: Сәлеметсізбе әже, төрге шығып , біздің қонағымыз болыңыз. Біздің балалардың және өз немереңіздің білімін тамашалап, бағалаңыз.

Жақсы балалар айтып өткендей бүгін біз үй жануарлары соның ішінде төрт түлік малмен танысамыз. Олай болса барлығымыз тақтаға назар аударайық.

Үй жануарларының суретін слайдтан көрсете отырып, таныстыру.

1.Суретпен жұмыс.

- Балалар енді сендер айтындаршы үй жануарларына нелер жатады екен? Қандай үй жануарларын білесіңдер? Орыс тілінде айтыңдар.

- Сиыр-корова, жылқы-лошадь, ешкі-коза, қой-баран.

Балалар, айтыңдаршы сендерді үйде аналарың, әжелерің қалай еркелетеді ?

-құлыншағым, ботақаным, қошақаным-деп еркелетеді

Тәрбиеші: Жақсы балалар, олай болса осы үй жануарларының төлдері болады екен. Оларды да еркелетіп айтуға болады. Мысалы: Сиырдаң төлін не дейді? – бұзаухан-телёнок , жылқының төлін не дейді?-

Балалар: Сендер бұл үй жануарларының қалай дыбыстайтындарын білесіңдерме?

Сиыр қалай дыбыстайды, жылқы қалай дыбыстайды, қой қалай дыбыстайды, ешкі қалай дыбыстайды.

Өте жақсы балалар. Олай болса балалар сергіту сәтін жасайық «Қарлығаш».