Үй жануарлары туралы мектепке дейінгі ашық сабақ

Сабақтың тақырыбы: «Үй жануарлары»

Білімділік мақсаты:

«Ненің дауысы» ойыны арқылы баланың есте сақтауын, ауызекі сөйлеу тілін, зейін тұрақтылығын қалыптастыру.

Дамытушылық мақсаты:

Балаға «Қай жануар не жейді?», «Төлін тап», «Ненің көлеңкесі?», «Ешкіге шөп берейік» тапсырмаларын бере отырып, танымдық әрекеттерінің арта түсуіне, ой өрісінің дамуына, шығармашылық қабілеттерінің дамуына ықпал ету.

Тәрбиелік мақсаты:

Сабақ барысында ұқыптылыққа, тиянақтылыққа, қоршаған ортаға мейіріммен қарауға тәрбиелеу.

Көрнекі құралдар мен материалдар: Қима суреттер, баулар, интерактивті ойын.

Әдіс-тәсілдер: Сабақты түсіндіру, көрсету, сұрақ-жауап, әңгімелесу.

Сабақтың барысы:

І. Ұйымдастыру кезеңі: Баламен амандасып, көңіл-күйін сұрап, сабаққа дайындығын тексеріп, бала зейінін сабаққа аудару.

Шаттық шеңбері

Сиқырлы айнадан,

Өзімді көремін.

Бақыттан жайнаған,

Көзімді көремін

ІІ. Жаңа сабақ

- Қандай жануарларды білесіңдер? (Балалардың жауабы)

- Кімнің үйінде қандай жануар бар? (Балалардың жауабы)

- Сендер оларға қамқорлық көрсетесіңдер ма?

- Осы жануарларға байланысты әр түрлі тапсырма-жаттығулар орындайтын боламыз.

Тапсырма.

Балаға «Ненің дауысы» әдістемесі бойынша дыбыстық жазба тыңдалады. Аудиожазбадан ненің дауысы екенін табу керек. Және де қима суреттерден сол жануарды табуы керек.

Тапсырма

Интерактивті ойын «Қай жануар не жейді?». Слайдтан жануар мен азық түрін таңдау керек.

Сергіту сәті:

Нейропсихологиялық жаттығу.

Тапсырма

«Ненің көлеңкесі?», «Ненің төлі?» Балаларға топтық тапсырма беру.

Жануарларды сәйкестендіруді бау көмегімен орындау. Әрбір орындаған дұрыс әрекеттеріне мақтау, мадақтау айтып отыру. Қателескен жерлерінде бір-біріне көмектесуге шақыру.

Сергіту жаттығуы

Қорбаңдаған аюдың, Тербеледі ағаштар,

Құлпынайы көп екен. Алдымнан жел еседі.

Теріп, теріп алайық, Кіп кішкентай бөбектер,

Қалтамызға салайық. Үлкен болып өседі.

IІІ.Білім дағдысын қалыптастыру

Тапсырма

«Ешкіге шөп бер». Балаға ешкінің суреті беріледі. Бала шөптің суретін салып аяқтауы керек.

ІV. Бекіту кезеңі: Сабақта өткен тапсырмаларға шолу жасау, есте қалғандарын қайталату.

Сабақты қорыту:

Бүгінгі сабақ ұнады ма?

Біз нелер туралы тапсырмалар орындадық.

Біз осы жануарларға әрдайым қамқорлық көрсетуіміз керек.

Үйге тапсырма: Қойдың жүнін аяқтап салуды тапсыру.

Өкізген: Г. М. Арепбаева