Үй жануарлары тақырыбындағы ашық сабақ мектепалды балаларына

Оқу іс-әрекетінің тақырыбы: «Үй жануарлары».

Білім саласы: «Таным», «Шығармашылық».

Бөлімі: Қоршаған ортамен танысу. Музыка.

Оқу іс-әрекетінің мақсаты:

1. Балалардың үй жануарлары туралы білімдерін толықтыру, олардың пайдасымаңызы, туралы түсінік беру. Олардың түрлерін бір – бірінен ажыратуға,айтқанды зейін қойып тыңдауға үйрету, үй жануарларына байланысты тақпақтар айтқызу.

2. Балалардың ой өрісін дамыту.

3. Үй жануарларына қамқорлық жасау. Адамдарға тигізер пайдасын айтып, ұлттық тәрбие негізін еңбексүйгіштікке тәрбиелеу.

Әдістері: сұрақ - жауап, түсіндіру, көрсету, дидактикалық ойын.

Қажетті құралдар: үй жануарларының суреті, муляждар, слайд

Оқу іс-әрекетінің барысы:

Гимн орындалады.

Психологиялық дайындық:

Балалар, «Амандасу - адамгершіліктің, әдептіліктің баспалдағы»сондықтан да, алдымен қонақтармен амандасып алайық.

Шаттық шеңберіне жиналайық:

Арайлап таң атты,

Алтын сәуле таратты.

Жарқырайды қаламыз,

Жайнай түссін даламыз.

-Қайырлы, күн апайлар

Қайырлы таң балалар!

-Балалар қазір жылдың қай мезгілі? (Күз мезгілі)

-Күз мезгілінде қандай өзгерістер болады?

- Өте жақсы. Жарайсыңдар!

-Дұрыс жапырақтар сарғайып жерге түсіп жатыр. Айналаның бәрі сары жапыраққа толды. Күн суытып барлық адамдар жылы киіне бастады.

-Балалар, мына суреттерге қараңдаршы бұл қандай жануарлар? Оларды бір сөзбен қалай атауға болады? Бұл жабайы жануарлар ма, әлде үй жануарлары ма? Енді үй жануарларының адамдарға қандай пайдасы бар екендігі туралы тоқталып өтсек. Ит жеті қазынаның бірі оны ата бабамыз бұрынғы заманнан асырап, үйді қорғау үшін және аң аулауға шыққанда бірге алып жүрген. Ал мынау мысық, ол қалай дыбыстайды балалар? Мына суретте ең момын жануар қой оның еті адамдарға азық, ал жүнін киім тоқу үшін қолданамыз. Мына суретте бейнеленген қандай жануар? (сиыр)

Оның төлін қалай атаймыз? Балалар сиырдың төлі бұзау. Сиырдың сүті адамдарға пайдалы, оны сауамыз сүтінен айран ұйытамыз, ірімшік, құрт, май жасаймыз.

-Кәне балалар кім сиырды сауып көргісі келеді?

Балаларды сиырды сауып көруге шақыру(сиырдың муляжы).

Ғажайып сәт: Дауылдың дыбысы (Осы кезде жел тұрып, есік ашылып қошқар кіреді). Балалар бізге қонаққа «қошқар мен теке» мультфилиминдегі сүйікті кейіпкерлерің Қошқар келеді.

- Амансыңдар ма, балалар, ғафу етіңдер.- Бұл қай жер екен?- Балабақша.- Балалар Қошқармен амандасады.