Үй жануарлары туралы сабақ жоспары мектепке дейінгі балалар

Білім беру саласы: Таным. Әлеуметтік орта. Шығармашылық. Коммуникация. Денсаулық .Тақырыбы: Үй жануарлары.

Әдіс тәсілдері: Түсіндіру,жұмбақ шешу, әңгімелеу, сұрақ жауап, интерактивті тақтадан көрсету. Саяхат.

Керекті құралдар: Үй жануарларының суреттері, интерактивті тақта.

Мақсаты: Үй жануарлары және олардың төлдерімен таныстыру, үй жануарлары тусініктерін,ажырата білуді үйрету,пайдасы жайлы алған білімдерін бекіту.Әңгімелеу арқылы есте сақтау,ойлау қабілеттерін арттыру, өз ойларын еркін, әрі нақты жеткізе білуге дағдыландыру. Жануарларға қамқорлық жасауға, оларға сүйіспеншілік танытуға тәрбиелеу.

Тәрбиеші: Балалар қане бәріміз ортаға шығып шаттық шеңберін құрайық.

Атам мені « құлыным» дейді

Әжем мені «боташым» дейді

Әкем мені «шырағым» дейді

Анам мені «қозым» дейді

Ал, шынында мен кіммен?

Мен кәдімгі баламын.

Тәрбиеші: Балалар, осы үй жануарлары қайда тіршілік етеді?

Балалар: Ауылда

Тәрбиеші: Ал біздер қайда тұрамыз?

Балалар: Қалада.

Тәрбиеші: Неліктен үй жануары деп атаймыз?

Балалар: Себебі оларды қолда бағамыз.

Тәрбиеші: Ал сендер ауылға барғыларың келе ме? Ендеше ауылға саяхатқа барамыз.

Жолда көңілді болу үшін «Қошақаным» әнін айтайық.шеңбер бойымен жүреді.

Қошақаным

Жазда атамның аулына

Барып едім қыдырып,

Бір қошақан алдымнан

Ойнап шықты жүгіріп,

Ақ маңдайлы ай мекен,

Шекер мекен бал мекен

Кеттім оны сағынып,

Қошақаным қайда екен

Интерактивті тақтадан ауылдың суреті шығады ,малдардың дыбыстары естіледі.

Тәрбиеші: ал балалар ауылға да келіп жеттік. Сендер қандай үй жануарларын білесіңдер?

Балалар: Түйе, сиыр, қой,ешкі,жылқы, ит ,мысық. Үн таспадан жануарлардың дауысы кезектесіп шығады. Балалар қандай жануар екенін табады, сол кезде интерактивті тақтадан дұрыс тапса суреті шығады.Слайд бойынша.

Сергіту сәті

Тікірейіп құлағы

Менен бұрын турады.

Бойын жазып керіліп,

Беті қолын жуады.

Тәрбиеші: Ал енді балалар сендерге жұмбақ жасырамын.

Кішкене ғана бойы бар

Айналдырып киген тоны бар

Балалар: Қой

Тәрбиеші: Кезекті бір жануар

Үстінде екі тауы бар.

Балалар: Түйе

Тәрбиеші: Өріске ерте өреді,

Біздерге сүт береді.

Балалар: Сиыр

Тәрбиеші: Ал енді балалар