Үй жануарлары туралы ашық сабақ, мектепке дейінгі топ

Тақырыбы: «Үй жануарлары және төлдері».

Мақсаты: Балалардың үй жануарлары туралы түсініктерін тереңдету; олардың төлдерін тануға үйрету.

Міндеттері: 1. Үй жануарларына байланысты тақпақ,сұрақ- жауап арқылы тіл байлығын дамыту;олардың бізге тигізер пайдасын айту, күтіп баптауға , қорғап қамқорлық жасауға тәрбиелеу.

2.Дұрыс сөйлеуге үйрету,қойылған сұраққа толық жауап беруге дағдыландыру.

3.Есте сақтау қабілеттерін дамыту.

4.Ауыз қуыс аппараттарының қимылын дамыту.

Әдіс –тәсілдер: түсіндіру,көрсету,әңгімелеу,ғажайып сәт, ойын, сұрақ-жауап, жұмбақтар,мақал –мәтелдер.

Көрнекілігі: үй жануарларының суреттері,жайлау макеті, ойыншықтар.

Билингвальды сыңары: үй жануарлары-домашние животные, жылқы-лошадь-horse,сиыр- корова- cow, түйе- верблюд- camel,қой- овца-sheep.

Әлеуметтік инклюзия: Ілияс, Диана.

Әрекет кезендері

Логопедтің іс-әрекеті

Балалардың іс- әрекеті

Мотивациялық қозғаушы

Іздену

Ұйымдастырушы

Рефлективті коррекциялау

-Сәлеметсіңдер ме, балалар!

-Қараңдаршы, бүгін бізде ерекше күн,өйткені бізге қонақтар келді.

-Келіндер,балалар, бәріміз шеңберге тұрып,шаттық шеңберін жасайық!

Шаттық шеңбері:

-Балалар, сендердің саяхатқа барғыларың келе ме?

-Біз бүгін әжеміздің үйіне жайлауға саяхатқа барамыз.

-Бірақ әжеміздің ауылына бару үшін біз бірнеше кедергілерден өтеміз.Дайынсыңдар ма?

-Енді біздің алдымызда есік тұр.Есіктің аузынан не көріп тұрсындар?

-Балалар,егер біз құлыпты ашпасақ,жайлауға бара алмаймыз.Біз қала оны ашамыз?

Саусақ жаттығу: «Құлпы».

-О қараңдар, балалар, құлып ашылды!

-Кәне ,есікті ашайық!

-Көрдінер ме, балалар, жайлауға баратын жол ашылды.

-Бірақ біз кедергілерден өтуіміз керек!

-Балалар, мына жерде не ағып жатыр?

-Аяғымыз су болып қалмас үшін көпірден өтуіміз керек.

-Көрдіндер ме,балалар, мына жерде тастар жатыр.Сол тастардың үстінен жүріп өтуіміз керек.

-Балалар,жерде тағы не жатыр?

-Солардан секіріп өтуіміз керек.

-Жайлауға да жеттік, балалар!

(үй жануарларының дыбысы шығады).

-Мына жерде не көріп тұрсыңдар?

-Ненің дауысын естисіңдер?

-Неге оларды біз үй жануарлары дейміз?

Артикуляциялық жаттығулар :

«Сиыр мен бұзау сағыз шайнады» ( шайнау әрекетін көрсету).

«Мысық есінеді » ( Ауыз кеңінен ашық.Төменгі жақпен дөңгелек қимыл жасау-иек арқылы «о» әрпін салу).

«Мысық сүтті жалады »( «Үлкен» тілді ауыздан кеңінен шығару.Тіл ұшын «кесе» жасап көтеріп ,тілді ауыз ішіне жасыру).

«Бұзау сүтті емді »( Ауыз ашық,ерін жымиюлы. Тілдің ұзын ұшын ұстіңгі еріннің үстімен жүргізіп, шөпілдету).

Әже:

-Маған қонаққа кімдер келген?

-Сәлеметсіңдер ме,балалар!

-Көңіл күйлерің қалай?

-Мен сендерге жұмбақ жасырғым келіп тұр,сендер оны шешуге дайынсыңдар ма?

-Екі айнасы бар, екі найзасы бар.

Төрт сылдырмағы бар ,бір шыбыртқысы бар.

Ол не,балалар?

-Үстінде екі тауы бар,

Кезікті бір жануар.

-Кішкентай ғана бойы бар,

Айналдыра киген тоны бар.

-Мінсең желдей жүйткиді,

Көңілің таудай өседі.

Алып ұшар алысқа,

«Ер қанаты» деседі.

Әже:

-Қандай ақылды балаларсыңдар!Мен сендердің қастарыңа отырып , кішкене демалайын.

Логопед:

-Балалар,үй жануарларына қандай жануарлар жатады?

-Енді біз осы жануарларға жеке –жеке тоқталайық.

-Мына суреттерге қараңдаршы.

-Мынау не, балалар?

-Оның төлі қалай аталады?

-Балалар,бұзау қалай дыбыстайды?

-Бұзау мөңірейді,балалар.

-Ал мыну не?

-Жылқының төлі қалай аталады?

-Айта қойындар,құлын қалай дыбыстайды?

-Құлын кісінейді,балалар.

-Мынау не,балалар?

-Оның төлі қалай аталады?

-Қозы қалай дыбыстайды?

-Тағы нелерді көріп тұрсыңдар?

Әже:

-Жарайсыңдар,балалар!Үй жануарлар туралы көп білесіңдер.

-Балалар, үй жануарларының адамға пайдасы бар ма?

Дидактикалық ойын: «Үй жануарларының пайдасы бар ма?»

Логопед:

-Әже, біздің балалар үй жануарларының пайдасы туралы көп нәрсе біледі. Кәне,балалар, олардың пайдасы туралы әжеге айтып берейік.

Әже:

-Керемет,балалар! Балалар,малды тебуге, ұруға бола ма?

-Біз оларға қамқорлық жасаймыз ба?

-Қандай ақылды балаларсындар!Сендер маған өте ұнадыңдар!

-Балалар,сендер үй жануарлары туралы тақпақтар білесіңдер ме?

-Кім бізге осы тақпақтарды айтады?