Ұйымдағы тұлғааралық қабылдау және көшбасшылық

ҰЙЫМ ІШІНДЕГІ ТҰЛҒААРАЛЫҚ ҚАБЫЛДАУ: КӨШБАСШЫЛЫҚ, АРТ-ТЕРАПИЯ ЖӘНЕ МӘДЕНИЕТАРАЛЫҚ ӨЗАРА ӘРЕКЕТТЕСТІКТІҢ СӘТТІ ҮШТІГІ

Бүгінгі таңда жоғары білім беру жүйесі тек біліммен қаруландырып қана қоймай, болашақ мамандардың жан-жақты дамуына ықпал етуге бағытталып отыр. Бұл бағытта көш бастап келе жатқан оқу орындарының бірі – Әл-Фараби атындағы Қазақ ұлттық университеті. Университет – әлемдік рейтингтерде алдыңғы қатардан көрініп, еліміздің ғылым мен білім саласындағы беткеұстар брендіне айналған беделді білім ордасы.

Білім беру үдерісі тек дәріс пен семинар форматымен шектелмей, студенттердің кәсіби және тұлғалық өсуін көздейтін заманауи тәсілдермен ұштастырылуы қажет. Осы тұрғыдан алғанда, магистратура деңгейінде оқытылатын «Басқару психологиясы» пәні болашақ мамандарға өзін тануға, өзгемен әрекеттесуге және көшбасшылық дағдыларын дамытуға мол мүмкіндік беруде. Көшбасшылық – өзіңді де, өзгелерді де алға бастыра білу.Ұжым ішінде сенімге негізделген қарым-қатынас орната білу – нағыз көшбасшыға тән қасиет. Бұл қасиетті дамыту мақсатында жүргізілген тренингтер мен тәжірибелік тапсырмалар студенттердің бойындағы жасырын қабілеттерді ашуға жол ашты. Өзара әрекеттестікке құрылған жаттығулар қатысушыларға топ ішінде шешім қабылдау, жауапкершілік жүктеу, әріптестің пікірін құрметтеу сияқты маңызды құндылықтарды меңгеруге ықпал етті.

Арт-терапия – ішкі әлеммен үндестікке жетелер жол. Классикалық оқытудан ерекшеленетін арт-терапия элементтері оқу үдерісін шығармашылықпен әрлеп, тұлғаның ішкі әлеуетін жарыққа шығаруға көмектесті. Студенттер өнер арқылы өз сезімдерін білдіру, ішкі әлемімен тілдесу, күйзелісті жеңу сияқты тәжірибеден өтті. Бұл – білім ғана емес, өмірлік маңызы бар сабақ болды.Мәдениетаралық өзара әрекеттестік – жаһандық коммуникация тілі. Бүгінгі жаһандану дәуірінде түрлі мәдениет өкілдерімен тіл табысып, пікір алмаса білу – нағыз кәсіби маманның міндеті. Пән барысында студенттер мәдениетаралық коммуникация негіздерін меңгеріп, шынайы өмірдегі жағдаяттарда дұрыс шешім қабылдауға машықтанды. Бұл – олардың кәсіби әлеуетін арттырып қана қоймай, әлемдік деңгейде еркін әрекет ете алатын маман болуына жол ашты.

Бұл пәннің ерекше өтуіне себеп болған негізгі фактор – оқытушы Тленчиева Нұржамал Сейдалиевнаның кәсіби шеберлігі мен жаңашыл тәсілдерге бейімділігі. Ол әр студенттің мүмкіндігіне сеніп, олардың ішкі күшін ашуға бағытталған әдістерді шебер қолдана білді. Курстың мазмұны мен формасы білім алушылардың…