Ұл бала мен қыз бала тақырыбы 3 сынып сабақ жоспары

«Өзін-өзі тану» сабағының жоспары

Мектеп 62 мектеп-лицей Мерзiм 10.11.2017жыл

Мұғалiм Махамбетова Алтынай Джексенбиевна

Сынып 3»Д» Оқушылар саны - 27

Тақырып: «Ұл бала мен қыз бала» Құндылық : Қиянат жасамау

Қасиеттер: Кісілік, кешірімділік, жанашырлық

Сабақ мақсаты:

Ұл бала мен қыз баланың өзара сыйласу керек екендігін түсіндіру арқылы қиянат жасамау құндылығының мәнін ашу7

Міндеттері:

1. Ұл бала мен қыз балаларды кісілікке, кешірімділікке үйрету;

2. Бір-біріне деген жанашырлық қасиетін дамыту;

3. Кісілікке, жанашырлыққа, кешірімділікке тәрбиелеу.

Ресурстар: оқулық,дәптер,бейнелі суреттер,

Сабақ барысы:

Ұйымдастыру кезеңi

Тыныштық сәтi «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын»...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.Рахмет.

Ескерту

Баяу әуен ойнайды

Үй тапсырмасын тексеру

Оқулықтың 65-бетіндегі Е.Өтетілеуовтың «Ұл бала мен қыз бала» өлеңін жаттау

1.Өлеңде ұл бала мен қыз балаға ортақ не?

2.Ұл бала мен қыз бала бір-біріне не айтады?

3.Жақсы дос болу үшін қандай қасиеттер қажет?

Дәйексөз

«Ел ұлымен берік, қызымен көрік»

Халық даналығы

Ұлар 2рет Қыздар 2 рет Барлығы 2рет

Әңгімелеу

«Кімнің жұмысы?» әңгіме

оқулықтың 63 бетіндегі авторы Т.Дәуренбеков