Ұлағатты ұстаз туралы ата-аналар алғысы, 2-сынып мақаласы

«Ұлағатты ұстаз» Отыз жылдан аса уақыт бойы бала оқытып , біздің болашақ азаматтарымызды қалыптастыруда бір тынып алмай жүрген жандардың бірі Мурзагалиева Шолпан Құмарқызы. Ол 1965 жылдың қазан айының 14 жұлдызында, Батыс Қазақстан облысы, Ақжайық ауданы,Первомай ауылында дүниеге келген. 1973 жылы Первомай ауылындағы Бітік орта мектебінде 1 сыныпқа барып, 1983 жылы 10 жылдық мектепті бітіріп, сол кездегі еліміздің астанасы Алматы қаласына жол тартып, өмірлік жолын Алматы қаласында бастап, балабақшада қызмет атқарған. 1985 жылы Алматы облысы, Қаскелең қаласындағы Қаскелең педагогикалық училищесіне түсіп,1987 жылы «Мектеп жасына дейінгі балалар тәрбиесі» мамандығы бойынша білім алған. 1987 жылы Батыс Қазақстан облысы, Ақжайық ауданы, Жамбыл ауылында балабақша меңгерушісі міндетін атқарып, 1988 жылы отбасы жағдайымен өз ауылына қайтып келіп, Бітік орта мектебіне «ұзартылған топ тәрбиешісі» болып қызмет атқарған. 1999 жылы Мемлекеттік А.С.Пушкин атындағы Батыс Қазақстан гуманитарлық универсиетіне түсіп, 2022 жылы Батыс Қазақстан мемлекеттік университетінің «Педогогика және бастауышты оқыту әдістемесі» мамандық иесі атанып, «Жоғарғы кәсіби білімді бастауыш сыныптар мұғалімі» біліктілігі

бастауыш сыныптарға дәріс беруде. Осы 35 жылдық еңбек жолында, сегіз мәрте бастауыш түлектерін шығарып салған.. Шолпан Құмарқызының келбетінен сабырлылық пен жайсаңдықты, кеңдік пен келісті кемелділікті көреміз. Бір салада ұзақ жылдар абыройлы еңбек етіп, өзіне жүктелген міндеттерді әрқашан жауапкершілікпен және тындырымды атқаратын іскерлік және адамгершілік қасиеттері арқылы ұжымның лайықты құрметіне бөленуде.

Міне бүгінде, көп жылғы мінсіз еңбегі мен жұмыстағы жетістіктері лайықты бағаланып, өз ісіне берілгендігі, кәсіби шеберлігі, әділдігі мен адамгершілігі үшін Шолпан Құмарқызының білікті, тәжірибелі маман ретінде ауыл тұрғындары құрмет тұтады.

Арман-мақсаттарына жету жолында ауыл өміріне етене араласып, қажырлықпен еңбек етуде. Бүгінде қызмет бабында да, құрметке бөленген білікті маман, сыйлы әріптес, отбасында тәрбиелі ұрпақ өсіріп , қызығына бөленіп отырған Ұстаз-Ана.