Ұлттық кітапхана мен тарих факультеті ынтымақтастығы

ҰЛТТЫҚ КІТАПХАНА МАМАНДАРЫ ТАРИХ ФАКУЛЬТЕТІНДЕ: ҒЫЛЫМИ ЫНТЫМАҚТАСТЫҚҚА ЖАҢА ДЕҢГЕЙ

Қазақ Ұлттық университетінің 2 курс

магистранты Құдиярова М.М.

Ғылыми жетекшісі: Т.ғ.д.,

профессор Султангалиева Г. С.

2025 жылдың сәуір айында Әл-Фараби атындағы Қазақ ұлттық университетінің Тарих факультетінде Қазақстан Республикасының Ұлттық кітапханасы қызметкерлерінің қатысуымен маңызды ғылыми-әдістемелік іс-шара өтті. Аталған басқосу «Кітапханалық-ақпараттық жүйелер» мамандығының ғылыми-әдістемелік кабинетімен танысу, сондай-ақ екі мекеме арасындағы кәсіби ынтымақтастықты тереңдету мақсатында ұйымдастырылды.

Кездесудің негізгі мақсаты – университет пен Ұлттық кітапхана арасындағы өзара байланыстарды нығайту, кәсіби тәжірибе алмасу алаңын қалыптастыру және бірлескен жобалар аясында болашақ кітапхана ісі мамандарын даярлаудың жаңа жолдарын қарастыру болды.

Кездесу барысында Ұлттық кітапхана мен университет арасындағы байланыс мәселелері кеңінен талқыланып, болашақтағы бірлескен жобалар мен ынтымақтастық формалары ұсынылды. Әсіресе, профессор-оқытушылар құрамымен жүздесу сәтінде ғылыми-әдістемелік бағыттағы өзара әрекеттестік пен тәжірибе алмасудың маңызы ерекше атап өтілді. Мамандар екіжақты бірлескен жобаларды ұйымдастыру, әдістемелік нұсқаулықтар шығару, кәсіби біліктілікті арттыру жолында нақты ұсыныстар білдірді. Атап айтқанда, «Кітап және Кітапхана» журналының жаңа бағыты талқыланып, ғылыми мақалалар жазу мен жариялау, академиялық мазмұнды кеңейту мәселелері күн тәртібіне қойылды. Бұл – болашақта екі мекеменің де ғылым мен білім саласындағы ықпалдастығын арттыра түсетініне айқын дәлел. Кездесу аясында Ұлттық кітапхана қызметкерлері университеттің ғылыми кітапханасына экскурсия жасап, кітап қоры және ондағы жаңа технологиялармен танысты. Университет кітапханасында қолданылатын цифрлық жүйелер, электронды каталогтар, автоматтандырылған кітап беру қызметі – барлығы да қонақтардың жоғары бағасына ие болды. Екі тарап заманауи ақпараттық кеңістіктегі кітапханалардың рөліне ерекше назар аударып, кәсіби диалог алаңын қалыптастыра білді.

Бұл кездесудің тағы бір маңызды қыры – студент жастар мен кітапхана саласының мамандары арасында байланыс орнауы болды. Болашақ кітапхана қызметкерлері үшін бұл — үлкен тәжірибе мектебі әрі кәсіби бағдар беретін орта. Ұлттық кітапхана өкілдері студенттермен тілдесіп, өз тәжірибелерімен бөлісіп, кітапханашы мамандығының қазіргі заман талаптарына сай қалай жаңарып жатқанын айтты. Іс-шара соңында екі тарап та мұндай кездесулердің жиі ұйымдастырылуы қажет екенін айтты. Ғылым мен білім саласында жетістікке жетудің бірден-бір жолы – ынтымақтастық, тәжірибе…