Ұлттық кодтың ұлы қасиеттері тәрбие сағаты 10 сынып

Маңғыстау облысы, Ақтау қаласы

Мұрын жырау Сеңгірбекұлы атындағы

Маңғыстау гуманитарлық колледжінің

Қазақ тілі мен әдебиеті пәнінің оқыушысы

Джакаева Гульзира Баженовна

Өзін-өзі тану пәнімен интегрцияланған

оқудан тыс іс- әрекеттердің жобасының жоспары

Уақыты: 26.11.2018 ж.

Тәрбие бағыты: Қазақстандық патриоттық және азаматтық, құқықтық тәрбие

Тәрбие сағатының тақырыбы: Ұлттық кодтың ұлы қасиеттері

Құндылық: Сүйіспеншілік

Қасиеттер: сенім, мейірімділік, адалдық, сыйластық,бауырмалдық.

Тәрбие сағатының мақсаты:студенттерге шашқа арналған ұлттық әшекейлер, шаш күтімі, ырым-тиымдар туралы мәлімет бере отырып, сүйіспеншілік құндылығының мәнін ашу.

Тәрбие сағатының міндеттері:

Білімділік: Шашқа арналған ұлттық әшекейдің сән үлгісі ғана емес, өзіндік салт-дәстүрі бар екендігі туралы ақпарат беру.

Дамытушылық:Студенттерге шашқа қатысты ырым-тиымдардың мәнін ұғындыру

Тәрбиелік: «Бұрымды қыз – елдің көркі» деп ұлттық салт-дәстүрлерді құрметтеуге, сақтауға тәрбиелеу.

Ресурстар: Интерактивті тақта, үлестірмелі материалдар, шашқа арналған ұлттық әшекей бұйымдар , бейнебаян, ұлағатты сөздер, мақал-мәтелдер.

Тәрбие сағатының түрі: Интеграциялық сабақ.

Тәрбие сағатының типі: ұлттық кодтың ерекшеліктерін меңгерту.

Тәрбие сағатының әдісі: Сұрақ-жауап, ой қозғау, топтық жұмыс, түсіндірмелі-иллюстративтік әдіс, «Өзіңізге тілегенді басқаларға тілеңіз!», «Кезбе тілші», «Еркін талқлау» , «Кинометафора». «Неге?Неге? Неге?» әдістері

Тәрбие сағатының технологиясы: Сыни тұрғыдан ойлаутехнологиясы.

Пәнаралық байланыс: өзін-өзі тану, этнопедагогика.

Тәрбие сағатының барысы

Сыртқы интеграция (Өзін-өзі тану сабағының әдістемелік тәсілдерін қолдану)

Ұйымдастыру кезеңі (2 мин)

-Сәлеметсіздер ме, студенттер? Көңіл-күйлеріңіз қалай? Қане,сабағымызды бастамас бұрын «Өзін-өзі тану» сабағының 5Т ережесін еске түсірейік.

-Тәртіп. Тазалық.Талап.Тыныштық.Татулық (хормен айтылады).

Жағымды көңіл күйге бөлену (2мин)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Жәймен көзіңді жұмып мені тыңдаңыздар. Тамаша, таңертеңгі жұпар ауаны сезініп, демалайық. Ашық аспанда күн күлімдеп, сізге нұрын төгіп тұр. Күннен жылу алайық. Сіз бұлақтың бойымен жүріп келесіз. Тек қана сіздің тыныс алғаныңызбен судың сылдыры ғана естіледі. Құстардың сайрағанын Сіз елітіп тыңдайсыңыз. Сіз салмақтысыз. Ауа таза және мөлдір, сіз барлық денеңізбен күн жылуын сезінесіз, сіз осы тыныш таңертеңгі мезгіл сияқты бірқалыпты және қозғалыссыз тұрсыз. Сіз өзіңізді бақытты сезінесіз. Барлық дене мүшелеріңіз тыныштыққа және күн нұрына бөленуде. Сіз жақсы дем алудасыз. Енді жайлап көзімізді ашамыз. Біз тынығып, көңіл-күйіміз жақсарады, сергекпіз жағымды сезімдер күні бойы бізбен бірге болады.

І. Ұйымдастыру кезеңі

Топ студенттерімен сәлемдесіп, оларды түгендеу. Дәрісхананың сабаққа даярлығына көңіл бөлу. «5Т» ережесі: тәртіп, талап, тазалық, тыныштық, татулық.

«Гүлмен тілек!» әдісі (3 мин)

Мақсаты: Тыңдау дағдыларын дамыту, сондай-ақ студенттерді қатыстыру арқылы барлығын теңестіру, жағымды ахуал қалыптастыру.

Шарты: Студентті бір-біріне тілек айту арқылы жақындастырады, көңіл күйін көтереді, бауырмалдығын оятады.

II. Негізгі бөлім

Дәйексөз:

«Әжептәуір жаңғырған қоғамның өзінің тамыры тарихының тереңінен бастау алатын рухани коды болады". Н.Ә.Назарбаев

Н.Ә.Назарбаевтың дәйексөзінің негізгі түйінін қалай түсіндіңдер?

«Сұраққа жетіп ал» әдісі

Шарты: Студенттің өз бетінше жұмыс жасау дағдысын қалыптастыру, сұрақ қою дағдыларын дамыту.

Оқытушы: Жаңа тұрпатты жаңғырудың ең басты шарты – сол ұлттық кодты сақ¬тай білу. Онсыз жаңғыру дегеніңіздің құр жаңғырыққа айналуы оп-оңай», деп атап өткен еді. Жоғарыда тұңғыш Президентіміз айтып отырған ұлттық код мәселесіне тоқталсақ, бұл аса терең ұғым. Ұлттық код дегеніміз – ұлттық болмыс. Яғни, бір халықты басқа халықтан ажыратып, танытатын және сол халықтың әлем қауымдастығы алдында басқаға ұқсамайтын таным-түсінігі мен бітім-болмысын айқындап тұратын Ұлттық кодтың қазақилық 7 қасиетін жіктеп көрсеткен «Қазақ халқының ұлттық болмысы – рухани коды» танымдық формуласының авторы Маңғыстаулық танымал ұстаз Ордалы Қосай еді.

Бейнебаянға назар аударыңдар.

-Маңғыстаулық ардагер ұстаз Ордалы Қосайдың ұлттық код туралы тірек сызбасына назар аударыңдар.

- Ұлттық код дегенді қалай түсінесіңдер?

- Бейнебаяннан не ұқтыңдар?

Ішкі интеграция (сабақтың мазмұнына жалпыадамзаттық құндылықтарды интеграциялау)

«Кластер» әдісі» (20мин)

Мақсаты: Идеялар мен ақпараттардың арасындағы байланыстарды жинақтау, тұжырымдау.

Шарты: Тақырыптардың байланыстары туралы сұрақтар құрастырып, оларға жауап іздейді, идеяларды жинақтайды.

1-жұп тапсырмасы (постер қорғайды)

1. Ұлттың жасауы (бас сүйегі, келбеті, қан құрамы, дыбыстауы, әуезі)

Қан құрамы туралы Жәнібек хан мен Өтебойдақ емшінің арасында болған әңгіме туралы айтқым келеді.

15-ші ғасырда Қазақ Хандығы орнап, оны Керей мен Жәнібек хандар басқарғаны белгілі. Бірде Жәнібек ханның ақылшысы, кеңесшісі Жиренше шешен қатты…