Ұлттық тәрбие туралы мектепалды даярлық мақаласы

Тақырыбы:

«Ел болашағы – ұлттық тәрбиеден

басталады.»

Тәрбиеші: Алибекова Айбибі Даулетовна

Ел болашағы – ұлттық тәрбиеден басталады.

Атақты жазушы М.Әуезовтың «Ел боламын десең бесігіңді түзе» деген ұлағатты сөзінің мазмұнына ой салсаң тәрбие ұрпақты дүниеге әкелуден басталады. Тал бесіктен басталатын бала тәрбиесін бүгінгі заман талабына сай жан-жақты жетілдіру, білімді саналы тұлғаны қалыптастыру мектепке дейінгі білім беру қызметіне жауапты да, салмақты міндеттер жүктейді.

Тәрбиешінің басты міндеті – ұлттық дәстүрді арқау етіп, баланы имандылыққа, туған жерін силап құрметтеуге, өзіне өзі қызмет көрсетуге, үлкенді құрмет тұтуға тәрбиелеу.

Жуырда Түркістан облысы Мақтаарал ауданы Мырзакент қаласының «Шолпан» бөбекжай балабақшасында Мақтааралдың 90 жылдығына орай аудандық семинар өткізілді. Семинардың мақсаты – мектепке дейінгі балаларға тәрбие мен білім беру жұмыстарын ұйымдастыру, олардың сөйлеу тілін дамытуда байланыстырып сөйлеу мәдениетін жетілдіруге, құрастыра сөйлеуге, сөздік қорының молаюына ықпал жасау. Ойын арқылы балалардың ойын жетілдіру, оны әлемге тарта отырып, баланың сөздік қорын жаңа сөздермен толықтыру, сөйлеу барысында ойлауды үйрету. Балалалардың эстетикалық талғамын, қиялын, ойлау жүйесін, елестету қабілетін дамыту. Осы семинарда «Солнышко» орыс тобында «Путешествие на планету обезьян» тақырыбында дене тәрбиеден ұйымдастырылған ашық оқу қызметін өткіздім. Мақсатым – баланы шынықтыра отырып аспан әлемінің ғажайыптарын ұғындыру, баланың денсаулығын нығайту. Жалпы дамыту жаттығуларымен, негізгі қимылдар арқылы баланың ой-өрісін дамыту.

Ата-аналар мен қонақтар семинардың өтілу бағдарламасына дән риза екендігін, ризашылықтары мен тілектерін білдіріп, алғаны, көргені, тоқығандарының көп екенін айтып өтті.