Ұлттық бұйымдар туралы ашық сабақ мектепалды даярлық

Технологиялық карта.

Білім беру саласы: «Таным», «Қатынас»

Білім көздері: Қоршаған ортамен таныстыру.

Тақырыбы: Ұлттық бұйымдар.

Мақсаты:1.Білімдік. Балаларға ұлттық бұйымдар туралы түсінік беру, таныстыру,

пайдасын түсіндіру.

2.Дамытушылық. Балалардың ұлттық бұйымдар туралы түсініктерін дамыту.

3.Тәрбиелік. Балаларды ұлттық салт-дәстүрлерді, әдеп-ғұрыптарды,

бұйымдарды құрметтеуге тәрбиелеу.

Көрнекілік:Ұлттық тұрмыстық бұйымдар:келі, диірмен, сандық, киіз үй, тегеш, табақ,

ожау, қоржын, ұршық т.б. Зергерлік бұйымдар: сырға, сақина, білезік, шашбау.

Әдісі: сұрақ-жауап, әңгімелеу, топтастыру, ойын, көрнекілік.

Типі: жаңа материалды игерту.

Түрі: саяхат сабақ.

Іс-әрекет бөлімдері

Тәрбиешінің іс-әрекеті.

Балалардың іс-әрекеті.

Ынталандыру, сезімді ояту.

І. Ұйымдастыру.

а)Балаларды шеңбер бойына тұрғызып, тынышталдырып, зейіндерін тұрақтандыру.

ә) «Шаттық шеңбері».

Қуан, шаттан, алақай,

Қуанатын күн бүгін.

Балабақша, балақай,

Құттықтайды бір-бірін.

Қайырлы таң!

Қайырлы күн!

ІІ. Жаңа тақырыпты ашу. Жұмбақтар шешу.

1. Телпек киген, жырық ерін,

Шыр айналып, жейді жемін.

2.Асты тас, үсті тас,

Ортасында піскен ас.

3.Екі қабат дәу жатыр, берген дәнді жеп жатыр.

4. Қаз қанатын жайды, аққу мойнын созды,

үйрек төбесіне қонды.

в) Балаларға осы өздері шешкен жұмбақтарын-да айтылған заттарды тағы басқа өздеріне таныс емес заттармен танысу, көрі үшін саяхатқа шығатындарын айту. Мұражайға саяхатқа бару.

Балалар шеңбер бойына тұрып,

бір-біріне алақан жылуын

береді.

Қосылып тақпақты айтып,

амандасады.

Жұмбақтарды шешеді.

- ұршық

- таба.

- диірмен

- киіз үй

Бірігіп мұражайға барады.

Ізденістер, ұйымдастыру.

ІІІ. Жаңа оқу іс-әрекеті.

а) Балаларға ұлттық бұйымдардың тұрмыстық бұйымдар, зергерлік бұйымдар, сәндік бұйымдар, шаруашылық бұйымдар болып бөлінетінін айтып түсіндіру, суреттерін көрсету

ә) Бүгін тұрмыстық ұлттық бұйымдармен танысатындықтарын айтып, көрсету, түсіндіру.

Асадал – тамақ салып, сақтауға арналған сандық.

Адалбақан- киім ілуге арналған киім ілгіш.

Әбдіре- киім-кешек салуға арналған сандық.

Жүкаяқ- сандықтың астында аяқ киім салуға арналған бұйым.

Келі- дәнді дақылдарды түюге, ұсақтауға арналған зат.

Диірмен- ұн тартатын құрал.

Аяққап- киізден сырылып тігілген, ыдыс-аяқ,

шыны кеселерді салуға арналған бұйым.

Қоржын- иыққа, көлікке салып жүруге ыңғайлы жасалған екі басты қалта, қоржын.

Текемет- бетіне әр-түрлі ою-өрнек салынып басылған бағалы киіз төсеніш.

Алаша- түрлі-түсті жіптен арқау салып жолақ-тап тоқитын тақыр кілем төсеніш.