Ұлттық төл теңгеміз 4 сынып тәрбие сағаты

Тәрбие сағатының тақырыбы: «Ұлттық төл теңгеміз»

Тәрбие сағатының мақсаты:

Оқушыларды тәуелсіз еліміздің ең бірінші айрықша белгісі теңгемен таныстыру,төл теңгеміздің шығу тарихы, айналымға ену кезі туралы мағлұматтар беру.

Өз бетімен жұмыс істеуге дағдыландыру.

Оқушылардың бойына елімізге ыстық сүйіспеншілікті, мақтанышты сіңірту, үнемділікке, барды қадірлеуге баулу.

Көрнекілігі: Компьютер, сөзжұмбақ, күннің көзі, теңгелер, доллорлар, рубльдер, буклеттер, шарлар.

Сабақтың барысы:

І. Ұйымдастыру кезеңі

Ынтымақтастық атмосферасын қалыптастыру.

Түні нұрлы, ақ таңы,

Жері гүлдей бақтағы

Ел ырысы- тайқазан,

Төл теңгеміз қақпағы.

Қазанымыз толығып,

Болсын дәйім жолы құт!

«Ел тірегі - төл теңге!»

Деп құрметтер оны жұрт.

Қызығушылығын ояту

«Аукцион» ойыны

Оқушыларға аукццион ойының ойнату. Ең алдымен оқушылардың алдына әр түрлі ақша көшірмелері қойылады. Оқушылар берілген ақшаларын санай отырып, көрсетілген заттың бағасын бірі – бірінен жоғарлатып айтып отырады. Ойын осылай жалғаса береді.

Мағынаны тану

Оқушыларға бейне- баян көрсетіледі. (Теңгенің шығу тарихы бойынша)

Теңгенің айналымға келу тарихымен танысайық. Олай болса, келесі «бейне-баянға» назар аударыңыздар.

Теңге Ұлыбританияның әлемге әйгілі әрі ең көне «Харрисон және оның ұлдары» деп аталатын банкноттық фабрикасында басылып шықты. Теңгенің 16-ға жуық құпия қорғанысы белгісі бар. Қазақстан теңгесі қазіргі ақша жасау технологиясының соңғы жетістіктеріне сүйеніп жасалған. Құпия белгіні үкінің көзімен қарасаңыз да, байқай алмайсыз.

1993 жылы қарашаның 12-сі күні Елбасы Нұрсұлтан Назарбаев «Қазақстан Республикасында ұлттық валюта енгізу туралы» жарлыққа қол қойды. Арада үш күн өткен соң, 15 қараша күні таңертеңгі сағат 8-ден басталып, 20 қарашада сағат 20-да аяқталып тәуелсіз Қазақстан Республикасының өз валютасы қаржы нарығында айналымға енгізіп, елдің қолына тиіп, ел мәре-сәре болысты. Өйткені төл теңгеміз тәуелсіздігіміздің басты белгісі еді.

Тәуелсіздік алған елдің ең бірінші айрықша белгісі - ұлттық валюта.Ол – Қазақстан Республикасы көлемінде пайдаланылатын заңды төлем құралы. Ақша – асыл қазына , халық байлығы.Халқымыз теңгені бұрын да пайдаланған. Ерте замандарда теңгелерді Түркістан, Тараз қалаларындағы арнаулы шеберханаларда жасалған.

Теңге өмңірге оңайлықпен келген жоқ. Елбасымыз өз теңгемізді шығаруға қаржыгерлерге тапсырма берді. Ұлттық валютамыздың өз дизайні, өз идеясы болуы керектігін қатаң тапсырылды. Қазақстан аймағында ерте кезеңде қандай ақша болғанын, тарихта бұл жөнінде қандай деректер бары іздестірілді. Ұлттық валютамыз теңгені жасап шығаруға байланысты жұмыстар жүргізілді. Бірнеше эскиздер жасалып , ішіндегі « мықтылары »Елбасының таңдауына берілді. Елбасының берген тапсырмасына сәйкес ұлттық валюта 1993 жылғы 12 қарашадағы жарлығымен 15 қараша күні таңертеңгі сағат 8:00-ден бастап енгізіліп , елдің қолына тиіп , ел мәре – сәре болысты. Өйткені төл теңгеміз тәуелсіздігіміздің басты белгісі еді.Биыл теңгеміздің айналымға шыққанына 23 жыл болды. Қазақ теңгесі Англияда басылды. Теңгенің 16 – ға жуық құпия қорғанысы белгісі бар.Ұлттық валютамыздың дизайның жасаушы авторлық топтың жетекшісі Тимур Сүлейменов болды.

Ақшаның аырмашылығы