Ұлтына, жұртына қызмет ету туралы география мақаласы

Ұлтына, жұртына қызмет ету – білімнен емес, мінезден

Білімді өлсе, қағазда аты қалар.

Ұста өлсе, істеген заты қалар,-демекші, «тірі сабақты» шыңдау мақсатында, «талантты мифтанушы Серікбол Қондыбайдың» музейінде сабақ өткіздік. Қазіргі заманда сабақтың түрі көп. Музей қызметкерлерімен кіріктірілген сабақты ғалым Жанбибі Дүйсенбаева бастады. Сабақты тәжірибемен байланыста өткізудің бір тамыры кіріктірілген сабақтар екендігіне тоқталды:

Кіріктіруде білім беру, дамытушылық және танымдық үшбірлікті ұстаз шығармашылық тұрғысынан шебер жүзеге асырады.Кіріктірілу –бір оқу мазмұнының әр түрлі саладағы жан-жақты білімдермен тоғысуы, бір-бірімен араласып кетуі. Қазір сіздер музей қызметкерлерімен кіріктірілген сабақты көресіздер, пәндердің қалай кіріккенін байқап тұруға міндеттісіздер. Өту процесінде ол білінбейді. Біртұтас дүние болып өтеді. Мұндай сабақтар оқушыға әлем, кеңістік туралы, заттар мен құбылыстардың өзара байланыстары туралы біртұтас мағлұмат беретінін, оқу сағаттарын барынша үнемді пайдалануға мүмкіндік болатынына көз жеткізесіздер, бірақ ол мұғалім шеберлігіне байланысты, дайындық неғұрлым мықты болса, сабақ қорытындысы соғұрлым нәтижелі болатынын ескертті. Музей сабақтарда таным артады, таным түсіндіру арқылы іске асады. Түсіндіру нақты, қысқа, нұсқа болғаны лазым. Өздеріңіз білесіздер, зейіннің шоғырлануы ұзақ емес. Ал пәннің жалпы мазмұнын адам және қоғам өмірмен тікелей байланыстыру арқылы оқушылардың шығармашылық ойлау мүмкіндіктерін дамытуға бағытталады. Кіріктірілген сабақтардың құрылымы нақтылығымен, сыйымдылығымен, орамдылығымен, сабақтың әр сатысындағы оқу материалының логикалық өзара келісімімен

Әрине, басында ауылдың музейін менсінбей, бармаушы едік, «қолда барда алтынның қадірі жоқ»,- деген. Музейдің ішіне кіре сала, басқа бір әлемге кіріп кеткендей, ойыма жаңа идея, сансыз сұрақтар келе бастады. Серікбол Қондыбайдың артында қалдырған рухани мол мұрасын тану үшін, жасалынған ғылыми тұжырымдардың парқын пайымдап, құндылық деңгейінің қаншалықты маңыздылығын сараптап, жете түсінуіміз үшін, ең алдымен, осы мұраларды тудырушы Серікболдың өзінің кім екенін, оның азаматтық болмысын танып білуіміздің, дұрыс түсінуіміз үшін арнайы лекция залында «теориялық сабақ» алдық. Серікбол Қондыбай Мәңгілік Елдің аталар мен ұрпақтар арасындағы рухани сабақтастығын, адам мен болмыстың тұтастығын, көшпендінің микрокосмосы менен Жаһанның үндестігін, мәдениетіміздің, философиямыздың түпсіздігін, бітпестігін, үзілмес асыл мирас екендігін дәлелдеген. Мұның дәлелі – өзіміздің мәдениетіміз бен ауыз әдебиетімізде жатыр-деген…