Ұлы дала тарихы бойынша тәрбие сағаты, 3 сынып

Мемлекетіміздің президенті Нұрсұлтан Әбішұлы Назарбаевтың «Ұлы даланың жеті қыры» мақаласы аясында 3 «А» сыныбында өтетін ашық тәрбие сағаты.

Тақырыбы: «Ұлы дала тарихы»

Мақсаты: Қазақ халқының тарихы және даламыздағы ұлттық құндылықтарымыз бен қасиетті жәдігерлеріміз жайлы қысқаша тоқталу.

Оқушыларға жылқы малы,оның шығу тарихы, жылқының пайдасы және оның ат-әбзелдері туралы жан-жақты түсінік беру.Оқушылардың бойында ұлттық сананы ояту, жас ұрпақ санасына, туған халқына деген құрмет, ұлттық рухты сіңіру.

Көрнекіліктер: Слайд, видео, көрме, ертоқым, ат әбзелдері,буклет, нақыл сөздер, суреттер, шар т/б

Әнұран (шырқалады)

Шаттық шеңбері: Оқушылар тұрып бір-біріне сәттілік тілейді.

Мұғалімнің сөзі:

- Құрметті қонақтар, оқушылар мемлекетіміздің президенті Нұрсұлтан Әбішұлы Назарбаев «Ұлы даланың жеті қыры» атты жолдауын жіберді. Сол жолдауға қысқаша тоқталып өтейік.

1. Атқа міну мәдениеті. Атқа міну мәдениеті мен жылқы шаруашылығы жер жүзіне Ұлы даладан тарағаны тарихтан белгілі.

2. Ұлы даладағы ежелгі металлургия . Ежелгі заманда-ақ Қазақстан аймақтарында тау-кен өндірісінің ошақтары пайда болып, қола, мыс, мырыш, темір, күміс пен алтын қорытпалары алына бастады.

3. Аң стилі. Біздің ата-бабаларымыз қоршаған ортамен етене өмір сүріп, өздерін табиғаттың ажырамас бөлшегі санаған. Олар жыртқыштардың, негізінен мысық тұқымдас аңдардың суретін көбірек қолданған.

4. Алтын адам. 1969 жылы Қазақстанның Есік қорғанынан – сақтар тайпасының жас көсемінің зираты табылды. Алтын адам киімі 4 мыңға жуық алтын әшекейлермен безендірілген.

5. Түркі әлемінің бесігі. Қазақтардың және Еуразияның басқа да халықтарының тарихында Алтайдың алар орны ерекше. Мәселен, орта ғасырдағы Отырар қаласы әлемдік өркениеттің ұлы ойшылдарының бірі – Әбу Насыр әл-Фарабиді дүниеге әкелсе, түркі халықтарының рухани көшбасшыларының бірі Қожа Ахмет Яссауи Түркістан қаласында өмір сүріп, ілім таратқан.

6. Ұлы Жібек жолы – Қытай жерінен басталып, Қиыр Шығыс пен Еуропа елдеріне беттеген керуен жолы. Бұл жолдың басым бөлігі Орта Азия мен Қазақстан жерінің үстімен өтті.7. Қазақстан – алма мен қызғалдақтың отаны. Асқақ Алатаудың баурайы алма мен қызғалдақтың «тарихи отаны» екені ғылыми тұрғыдан дәлелденген. Қарапайым, бірақ бүкіл әлем үшін өзіндік мән-маңызы зор бұл өсімдіктер осы жерде бүр жарып, жер жүзіне таралған. Қазір Қазақстанда қызғалдақтың 35 түрі, алманың 40 –тан астам түрі өседі.

Жылқы малы туралы қысқа видео көру

Балалар видеодан не көрдік?

Жылқы малын

Олай болса бүгін біз жолдаудағы ұлы даланың жеті қырының ішінде «Атқа міну мәдениетіне» тоқталамыз. Қалған тақырыптарын келесі тәрбие сағаттарында қарастырамыз.

Топқа бөліну: (тақырыпқа байланысты ертоқым, қамшы, үзеңгі суреттері бойынша бөлінеді)

Топ «Ертоқым»

Топ «Қамшы»

Топ «Үзеңгі»

Ал, енді балалар бөлініп болсақ, жылқы малының шығу тарихына қысқаша тоқталып өтейік.

Мадина. 1. Атқа міну мәдениеті мен жылқы шаруашылығы жер жүзіне Ұлы даладан тарағаны тарихтан белгілі. Еліміздің солтүстік өңіріндегі энеолит дәуіріне тиесілі «Ботай» қонысында жүргізілген қазба жұмыстары жылқының тұңғыш рет қазіргі Қазақстан аумағында қолға үйретілгенін дәлелдеді. Жылқыны қолға үйрету арқылы біздің бабаларымыз өз дәуірінде адам айтқысыз үстемдікке ие болды.

2. Автокөлік қозғалтқыштарының қуаты әлі күнге дейін аттың күшімен өлшенеді. Бұл дәстүр – жер жүзінде салт аттылар үстемдік құрған ұлы дәуірге деген құрметтің…