Ұлы даланың ұлы есімдері тәрбие сағаты 3 сынып

Тәрбие сағатының тақырыбы: «Ұлы даланың ұлы есімдері»

Мақсаты: Жас ұрпаққа қазақ халқының тарихында өшпестей орын алған қазақ зиялылары туралы мағлұматтар беру, олардың есімдерін қастерлеп, құрметтеуге, Отаншылдық сезімге, елжандылыққа тәрбиелеу.

Көрнекілігі: Қазақтың ұлы тұлғаларының портреттері, нақыл сөздер.

Тәрбие сағатының барысы:

Кіріспе (мұғалім сөзі)

Өткен ғасыр қазақ халқының тарихында ұлы оқиғалармен есте қалды. Сол оқиғалардың ішінде «мың өліп, мың тірілген» халқымыздың басынан өткен 1930-1938 жылдар ауыр да азапты кезең болды.

Өркениетті қоғамға қадам басқан еліміз үшін ел басынан өткен ауыр нәубет жылдардың оқиғаларынан сабақ алу – ұлтымыздың парызы, бұл жағдай ел тарихында мәңгілікке сақталады. Еліміз ауыр кезеңднрді басынан өткерді.

Бүгінгі сынып сағатымыздың мақсаты сол уақытқа тәуелсіз ел ұрпағының көзімен баға беру, ұлы есімдерді ұмытпау, оларды мәңгі құрметтеп өту.

Тарихтың беттерінен:

1 Жүргізуші:

Өлкелік басшылыққа келген Ф.Голощекин «ауылды кеңестендіру» ұранымен Қазақстанда «жаңа революция» жасамақшы болды.

Наразы болған Тұрар Рысқұлов, Смағұл Сәдуақасов, С.Сейфуллин т.б. ұлтымыздың зиялыларын «ұлтшыл» деп айыптап, қуғынға ұшыратты.

2 Жүргізуші:

Жер-жерде кедейлер мен орта шаруаларды орынсыз соттау, шаруалардың малын жөнсіз кәмпескелеу, меншік құқығынан айыру, тұрақты тұратын жерінен күштеп көшіру орын алды.

1 Жүргізуші:

Республикадағы 6,2 млн тұрғынның 1931-1933 жылдары аштықтан 2,1млн қырылды, оның ішінде келімсек халықтың 0,4 млн адам шығыны болды.

2 Жүргізуші:

1937-1938 жылдарда кеңес өкметін орнату мен нығайтуға қатысқан «Алаш» партиясының көрнекті қайраткерлері Әлихан Бөкейханов, Ахмет Байтұрсынұлы жазаға ұшырап, «халық жауы» деп қудаланды.

1 Жүргізуші:

Жаңа қазақ әдебиетінің негізін салушылар Ш.Құдайбердіұлы, С.Сейфуллин, Б.Майлин, І.Жансүгіров, М.Жұмабаев, М.Дулатов жазаға ұшырап өлтірілді.

Слайд арқылы ұлы тұлғалардың нақыл сөздерін ұғындыру.

Ә.Бөкейханов

А.Байтұрсынұлы

М.Дулатұлы

Ш.Құдайбердіұлы

М.Жұмабаев

С.Сейфуллин

І.Жансүгіров

Б.Майлин

1 Жүргізуші:

Қазақстанда 101 мың адам репрессияға ұшырады, кеш те болса қазір олардың бәрі ақталды.

Енді бізге қайта оралды заңғарлар

Сталиндік тозақтарда жанғандар

Ахметтер, Жүсіпбектер, Сәкендер

Ілиястар, Бейімбеттер, Мағжандар

2 Жүргізуші:

Өзіңдікі елің де, өзіңдікі жерің де

Өзіңді өзің еткен бақ

Тәуелсіздік төрінде

Өзіңдікі туың да, от пен ауа суың да