Ұлы даланың жеті қыры туралы 11-сыныпқа арналған мақала

Рухани дамуымыздың бағдаршамы

Елбасымыздың «Ұлы Даланың жеті қыры» атты мақаласында ежелгі дәуірден қазіргі заманға дейінгі кезеңді қамтитын Ұлы Даламыздың қазақ даласының жеті қырын атап көрсетті. Бұл «Мәдени мұра», «Халық тарих толқынында», «Болашаққа бағдар: рухани жаңғыру» жобаларының жалғасы. Ұлы Даланы мекендеп отырған қазақ халқының ғұндар мен сақтардың, түркі этностар тобының мұрагері екенімізді айқындап берді. Мақалада ұлтымыздың тарихы мен әдебиетін, өнері мен мәдениетін терең танып-білуге, рухани құндылықтарымызды құрметтеуге қатысты пікірлер баяндалған. Әрине, бүгінгі ұрпағымыз тарихымызды жақсы білсе, еліміздің өткеніне, бабаларымызға, аға ұрпақ өкілдеріне деген құрметі арта түсері сөзсіз. Біз өз халқымыздың тарихымен мақтануымыз керек. Бұл мақала еліміздің халықаралық беделін нығайтуға, қазіргі заманның мәдениеттерін өзара жақындастыруға бағытталған және рухани жаңғырудың кемеленденуін тездетеді. Бірнеше жыл бұрын, 1994 жылы Н.Назарбаев «Тарих толқынында» атты кітабында қазақ руханиятының өркениетінің негізгі 12 жолын ашып көрсеткен болатын. Сол еңбектердің жалғасы - «Ұлы Даланың жеті қыры» тарихи маңызы бар рухани құжат. Онда айтылған мәселелер жан-жақты ой елегінен өткізіп,талдауды талап етеді.

1) «Архив-2025» бағдарламасы аясында әлемдік және отандық мұрағаттардан көне дәуірден қазіргі заманға дейінгі кезеңді қамтитын зерттеулер жүргізу.

2) Өз елінің ерекше елшісі сынды ұлы бабаларының есімдерін мақтан тұтатын Ұлы Даланың есімдері.

3) «Түркі өркениеті: түп тамырынан қазіргі заманға дейін» атты түркі әлемінің генезисі.

4) «Ұлы Дала» ежелгі өнер және технологиялар музейін ашу.

5)«Дала фольклоры мен музыкасының мың жылы» атты өткен мыңжылдықтағы халық ауыз әдебиетінің таңдаулы үлгілері-ертегілері, аңыз, эпостары мен қиссалары.

6) Тарихтың кино өнері мен телевизиядағы көрінісі.

Аталған жобалардың іске асырылуы, ұлт тарихы мен өркениетін санаға сіңіру халқымыздың бойына ұлттық патриотизмді дамытып, өз ұлтына,өз мемлекетіне деген құрмет пен мақтаныш сезімін қалыптастырады. «Ұлы Даламыздың Еуразия құрлығының кіндігінде орналасуы әртүрлі мемлекеттер мен өркениеттердің арасында транзиттік «дәліздердің» пайда болуына септігін тигізді. Бұл құрлық жолдары үлкен Еуразияның Шығысы мен Батысы, Солтүстігі мен Оңтүстігі арасындағы сауда және мәдениет саласындағы байланыстардың трансконтиненталды желісіне - Ұлы Жібек жолы жүйесіне айналды» деп жазды Елбасымыз. Біздің ауданымыз - дәл…