Ұлы даланың жеті қыры және рухани тәрбие

САХОВА ИНДИРА ТУЛЕГЕНОВНА

Келес ауданы,№40.Ғ.Мұратбаев атындағы жом.

«ҰЛЫ ДАЛАНЫҢ ЖЕТІ ҚЫРЫ» МАҚАЛАСЫН ІСКЕ АСЫРУДАҒЫ РУХАНИ ТӘРБИЕНІҢ МАҢЫЗДЫЛЫҒЫ

Елбасы Н.Ә.Назарбаевтың «Ұлы даланың жеті қыры» мақаласы – бүтін Қазақстандықтарды ойландырып, өткенге қайта көз жүгіртуге, баға жетпес ұлттық құндылықтарымызды саралауға мәжбүрлейтін мән-мағынасы зор дүние. «Біз басқа халықтардың рөлін төмендетіп, өзіміздің ұлылығымызды көрсетейін деп отырғанымыз жоқ. Ең бастысы, біз нақты ғылыми деректерге сүйене отырып, жаһандық тарихтағы өз рөлімізді байыппен әрі дұрыс пайымдауға тиіспіз»,- деп ескертеді автор. Бұл – ұзақ уақыт жан-дүниені толғандырып, ақыл-сананы көптен мазалаған ойлардан туындаған идеялар, мақсат-мүдделер. Еліміздің стратегиялық дамуының осы уақытқа дейін осал қамтылған, талдау мен талқыға түспей, тісіміз батпай жүрген салаға қарай бәріміздің бетімізді, ой санамызды бұрды. Иә, еліміздің стратегиялық даму өрістері туралы айтқанда, осы уақытқа дейін біз экономикалық, саяси жаңғыру, конституциялық реформа туралы, ішнара әлеуметтік эволюция туралы айтып келдік. Рухани мәселе назардан тыс қалғандай еді. Ал рухани мәселе, адамның санасын күрт өзгерту, сайып келгенде, қоғам жаңғыруының ең күрделі, ең қиын саласы болатын. Оны кеш түсіндік. Соны Елбасы дер кезінде дөп пайымдап, басқаша, жаңа өлшем тұрғысынан қарап, мүлдем жаңа, тіпті,

«Рухани жаңғыру» бағдарламасы Елбасымыз Нұрсұлтан Назарбаевтың «Ұлы даланың жеті қыры» мақаласында жалғасын тапқандығын атап көрсетті. «Ұлы даланың жеті қыры» мақаласы төл тарихымызды бір жүйеге келтіруді көздейді. Бұл дегеніміз құр тарихи деректер емес, жалпақ жұрт түсінетін мәдени дүниеге айналдыру мәселесін қозғайды. Осы орайда өскелең ұрпақтың тарихқа қанығып өсуі өте маңызды. Біздің кең байтақ даламызда тұңғыш рет жылқы қолға үйретілген. Жылқы жылдам қарым қатынас құралы болды. Атбегілік өнер дамыды. Қазақтың атбегілік әбзелдері жақында ЮНЕСКО тізіміне енгізілді. Алматының апортын бәріміз білеміз. Қазақстан алманың, қызғалдақтың Отаны. Елімізде кең өндіру де ерте заманда қолға алынған. Жезқазған, Жезді, Теміртау, Кентау деген қалалардың атауы тектен тек шықпаған. Алтын Адам сияқты құнды жәдігерлердегі алтын күмістен жасалған бұйымдар ата- бабамыздың өте шебер болғанын дәлелдейді. Аталмыш мақала ол қазақ елі тарихын ұлықтау емес, ол Евразия кеңістігін мекендеген түрік тайпаларының әлемнің өркениетке қосқан үлесін көрсетіп, тарихи сананы жаңғырту. Сол тарихи әрі рухани байлықты сақтап, әрі қарай дамыту міндеті тұр.

Мақала шеңберінде аталған жобалар тарих ғылымының, тарихи-археологиялық зерттеулердің, мұражай ісінің, фольклорлық-этнографиялық бағыттың, кино индустрия, музыка саласын дамытуға үлкен серпіліс береді.

«Тәрбие тал бесіктен» деп ұғынған ата-әжелеріміз ұлттық болмысымызды сақтау үшін бала тәрбиесіне ертеден ерекше мән берген. Ертегі аңыздарды бала санасына сіңіріп, өнегелі іске үгіттесе, бүгіндері көгілдір экран «тәрбиешімізге» айналды.

Қазіргі уақыт ағымымен көгілдір экрансыз, ғаламторсыз өмір сүре алмайтын дәрежеге жеткен балаларға «Өз ұлтыңның мәдениетін, әдебиетін, тарихын, ұлттық құндылықтарын білу қажет».

АҚШ-тың зерттеушілері мектепке дейінгі жастағы баланың теледидар алдында 5 мың сағат уақытын өткізетінін атап өткен, сол себепті қазақ халқы өзінің бейнесі мен болмысын, ұлттық салт-дәстүрін, ұлттығын, өзінің ғасырлар бойы арман еткен. Тәуелсіздігін болашақ ұрпағы бағалап, дәріптей алады. Сондықтан ұрпақ тәрбиесі қашанда алдыңғы орында болуы шарт. Әсіресе, ерекше атап өтетін жоба - Ұлт қаһармандарын үлгі тұту үрдісін қалыптастыруға жол ашатын сапалы балалар фильмдері мен мультипликациялық сериалдарды аса қажет ететін өскелең ұрпақтың да талғамына ерекше назар аудару керек.