Ұлы даланың жеті қыры және ұлттық рух туралы мақала

Елбасының «Ұлы даланың жеті қыры» атты мақаласы – ұлттық рухты

көтеруге серпін береді.

№2 «Әлеуметтік – жаратылыстану пәндер» циклдық әдістемелік комиссиясы он күндігі аясында Қазақстан Республикасы Елбасының «Ұлы даланың жеті қыры» атты мақаласы бойынша талқылау жұмыстарын тарих пәнінің оқытушылары Г.Р.Иманалинова, Н.С.Галиева, Ж.А.Байтогаева ұйымдастырды. Бұл іс –шараға І курс білімгерлері, атап айтатын болсақ, Р-811б, С-811б топ студенттері қатысып, өз ойларын ортаға салды. Елбасының бұл мақаласы былтырғы «Рухани жаңғыру» бағдарламалық мақаласының жалғасы іспеттес.

Мемлекет басшысының «Ұлы даланың жеті қыры» атты мақаласында ұлт рухын асқақтатқан ұлы даланың қыры мен сырына жан-жақты тоқталып, ата-бабаларымыздың адамзат өркениетіне қосқан өлшеусіз үлесін айрықша атап көрсетті. Елдігіміздің баға жетпес еншісін ерекшелеп, ұлттық құндылықтарымыздың қайнарын қайта бір сусындатқандай осы құнды еңбек Елбасының терең толғамы, халқына жеткізгісі келген тағы бір парасатты пайымы іспеттес. Осы Ұлы далада өмір сүріп отырған бүгінгі халық, өзімізді адамзат өркениетіне өлшеусіз үлес қосқан ұлттың ұрпағы және мәңгілік дамуға жаңа бағыт берген мәдениеттің өкілі екенін ұмытпауымыз керек.

Тарих сабағында жаңа технологияларды пайдалана отырып, студенттердің білімін арттыру.

Әрбір оқытушы қазіргі заман талабына сай жаңа технологияларды ұтымды пайдалана білу керек. Себебі, жаңа технологиялардың түрлерін сабақта пайдалану – білімгерлердің еркін сөйлеуі, логикалық ойлауын, тіл байлығын жетілдіреді. Осыған орай, №2 «Әлеуметтік – жаратылыстану пәндер» циклдық әдістемелік комиссиясы он күндігі аясында тарих пәнінің оқытушылары Г.Р. Иманалинова «ХҮІІІ-ХІХ ғасырдағы Ресейдің Қазақстандағы әкімшілік реформалары» атты тақырыпта Р-811б топ студенттерімен және Ж.А. Байтоғаева «Қазақстан Ресей империясының құрамында» атты тақырыпта Г-811б топ студенттерімен ашық сабақ өткізді. Тарих пәнінің оқытушысы ретінде жаңа технологияларды сабақта пайдаланудың мақсаты: білім алып жатқан әр баланы білікті, білімді азамат болуға, қазақ тарихын танып білуге, Отанын сүюге тәрбиелеу. Осы орайда Л.Н.Толстой «Үйрету әдістері туралы» еңбегінде «Олақтықтың белгісі - бір ғана әдісті білу, шеберліктің белгісі-түрлі әдісті білу, керек кезінде жоқ әдісті де таба білу» деген ойы қазіргі заманға сай келеді.